ഓസ്‌ട്രേലിയന്‍ ഓപണ്‍; സോഫിയ കെനിന്‍ ജേതാവ്

മെല്‍ബണ്‍: അമേരിക്കയുടെ സോഫിയാ കെനിന്‍ ഓസ്‌ട്രേലിയന്‍ ഓപണ്‍ വനിതാ വിഭാഗം ചാംപ്യന്‍. സ്‌പെയിനിന്റെ ഗബ്രീന്‍ മുഗുരെസയെ 4-6, 6-2, 6-2 സെറ്റുകള്‍ക്ക് പരാജയപ്പെടുത്തിയാണ് സോഫിയയുടെ ആദ്യഗ്രാന്റ്സ്ലാം നേട്ടം. മുന്‍ ഫ്രഞ്ച് ഓപണ്‍ വിംബിള്‍ഡണ്‍ ജേതാവുകൂടിയായ മുഗുരെസെ ആദ്യസെറ്റ് സ്വന്തമാക്കിയിരുന്നു.

എന്നാല്‍, തുടര്‍ന്നുള്ള രണ്ട് സെറ്റുകളിലും വമ്പന്‍ തിരിച്ചുവരവ് നടത്തിയാണ് സോഫിയ കിരീടം ഉയര്‍ത്തിയത്. ഓസ്‌ട്രേലിയന്‍ ഓപണ്‍ കിരീടം നേടുന്ന ഏറ്റവും പ്രായം കുറഞ്ഞ രണ്ടാമത്തെ താരമാണ് 21 കാരിയായ സോഫിയ കെനിന്‍. മരിയാ ഷറപ്പോവ 20 വയസ്സുള്ളപ്പോഴാണ് ഓസ്‌ട്രേലിയന്‍ ഓപണ്‍ നേടിയത്. 22 വയസ്സുള്ളപ്പോഴാണ് നയോമി ഓസ്‌ക കിരീടം ഉയര്‍ത്തിയത്.