- Home
- Latest News
- news line
- Districts
- Kerala
- India
- World
- Sports
- Videos+
- Arogyathejas
- Around The Globe
- Bomb Squad
- Charithrapadham
- Cinimayude Varthamanam
- Cut 'n' Right
- Editors Voice
- Hridaya Thejas
- In Focus
- In Quest
- India Scan
- Kalikkalam
- Marupaksham
- NEWS LINE
- Nireekshanam
- Pusthakavicharam
- RAMADAN VICHARAM
- Samantharam
- Shani Dasha
- Swathwa Vicharam
- Vazhivelicham
- VideoNews
- World in Words
- Yathra
- voice over
- Sub Lead
നടിയെ ആക്രമിച്ച കേസ്: തുടരന്വേഷണത്തിനെതിരേയുള്ള ദിലീപിന്റെ ഹര്ജിയില് ഹൈക്കോടതി ഇന്ന് വീണ്ടും വാദം കേള്ക്കും
നടിയെ ആക്രമിച്ച കേസിന്റെ വിചാരണ നീട്ടിക്കൊണ്ടു പോവാനാണ് തുടരന്വേഷണം നടത്തുന്നതെന്നാണ് ദിലീപിന്റെ വാദം. തുടരന്വേഷണം അനന്തമായി നീട്ടാനാകില്ലെന്ന് കഴിഞ്ഞ ദിവസം ഹര്ജി പരിഗണിക്കവെ കോടതി വ്യക്തമാക്കിയിട്ടുണ്ട്.

കൊച്ചി: നടിയെ ആക്രമിച്ച കേസിലെ തുടരന്വേഷണം തടയണമെന്നാവശ്യപ്പെട്ട് ദിലീപ് നല്കിയ ഹര്ജിയില് ഹൈക്കോടതി ഇന്ന് വീണ്ടും വാദം കേള്ക്കും. നടിയെ ആക്രമിച്ച കേസിന്റെ വിചാരണ നീട്ടിക്കൊണ്ടു പോവാനാണ് തുടരന്വേഷണം നടത്തുന്നതെന്നാണ് ദിലീപിന്റെ വാദം. തുടരന്വേഷണം അനന്തമായി നീട്ടാനാകില്ലെന്ന് കഴിഞ്ഞ ദിവസം ഹര്ജി പരിഗണിക്കവെ കോടതി വ്യക്തമാക്കിയിട്ടുണ്ട്.
അതേസമയം, അന്വേഷണം അവസാന ഘട്ടത്തിലാണെന്നും ചില ഡിജിറ്റല് തെളിവുകള് കൂടി പരിശോധിക്കാനുണ്ടെന്നുമാണ് പ്രോസിക്യൂഷന് അറിയിച്ചത്.
കൂടാതെ, ഫോറന്സിക് പരിശോധനാ ഫലത്തിന്റെ അടിസ്ഥാനത്തില് ദിലീപടക്കമുള്ള പ്രതികളെ വീണ്ടും ചോദ്യം ചെയ്യണമെന്ന ആവശ്യവും പ്രോസിക്യൂഷന് ഉയര്ത്തിയിട്ടുണ്ട്. സത്യം പുറത്തു വരാനായി തുടരന്വേഷണം അനിവാര്യമാണെന്ന് ഹര്ജിയില് കക്ഷി ചേര്ന്ന നടിയും കോടതിയെ അറിയിച്ചിരുന്നു. കേസില് മാധ്യമ വാര്ത്തകള് വിലക്കണമെന്നാവശ്യപ്പെട്ട് ദിലീപ് നല്കിയ മറ്റൊരു ഹര്ജിയും സിംഗിള് ബഞ്ച് ഇന്ന് പരിഗണിക്കുന്നുണ്ട്.
നടിയെ ആക്രമിച്ച കേസിലെ തുടരന്വേഷണം മാര്ച്ച് ഒന്നിനകം പൂര്ത്തിയാക്കിയേ തീരൂവെന്ന് ഹൈക്കോടതി കഴിഞ്ഞ ദിവസം വ്യക്തമാക്കിയിരുന്നു. അന്ന് അന്വേഷണം പൂര്ത്തിയാക്കി അന്തിമ റിപോര്ട്ട് നല്കണം. ഈ കേസില് മാത്രം എന്താണിത്ര പ്രത്യേകത എന്നും, ഒരു സാക്ഷിയുടെ വെളിപ്പെടുത്തലില് എന്താണിത്ര അന്വേഷിക്കാനെന്നും ഹൈക്കോടതി ചോദിച്ചു. രണ്ട് മാസം അന്വേഷണത്തിനായി നല്കിയില്ലേ എന്നും ഈ ഒരു വിഷയത്തില് മാത്രം അന്വേഷണം കേന്ദ്രീകരിക്കണമെന്നും ഇനി സമയം നീട്ടി നല്കാനാകില്ലെന്നും ഹൈക്കോടതി നിരീക്ഷിച്ചു. എന്നാല് മാര്ച്ച് 1നകം അന്വേഷണം പൂര്ത്തിയാക്കുന്നതിന് തടസ്സമുണ്ടെന്നാണ് പ്രോസിക്യൂഷന് വാദിച്ചത്. പ്രതിക്ക് തനിക്കെതിരേ തുടരന്വേഷണം വേണ്ടെന്ന് പറയാനാകില്ലെന്ന് ആക്രമിക്കപ്പെട്ട നടിയും വാദിച്ചു. നേരത്തേയും കേസില് തുടരന്വേഷണം മാര്ച്ച് 1ന് പൂര്ത്തിയാക്കണമെന്ന് ഹൈക്കോടതി നിര്ദേശം നല്കിയിരുന്നു.
എന്നാല് അത് പ്രയാസമായിരിക്കുമെന്നും ഫോണുകളുടെ ഫോറന്സിക് പരിശോധനാ ഫലത്തിന്റെ അടിസ്ഥാനത്തില് പ്രതികളെ വീണ്ടും ചോദ്യം ചെയ്യണമെന്നും പ്രോസിക്യൂഷന് കോടതിയില് ആവശ്യപ്പെട്ടു. ഈ ഒരു വിഷയത്തില് മാത്രം അന്വേഷണം കേന്ദ്രീകരിക്കണം, അങ്ങനെ അന്വേഷണം പൂര്ത്തിയാക്കണം കോടതി വ്യക്തമാക്കി. എന്നാല് ഇത് വരെ നാല്പ്പത് പേരുടെ മൊഴി എടുത്തുവെന്ന് പ്രോസിക്യൂഷന് കോടതിയെ അറിയിച്ചു. എന്നാല് അന്വേഷണം അനന്തമായി നീട്ടാനാകില്ലെന്ന് കോടതി വ്യക്തമാക്കി.
കേസിലെ തുടരന്വേഷണം തടയരുത് എന്ന് ഹൈക്കോടതിയില് നടി ആവശ്യപ്പെട്ടു. കേസില് വെളിപ്പെടുത്തല് നടത്തിയത് പ്രതിയുടെ അടുത്ത സുഹൃത്താണ്. ബാംഗ്ലൂരില് നില്ക്കുമ്പോഴാണ് താനീ വെളിപ്പെടുത്തല് ടിവിയിലൂടെ കണ്ടത്. കുറ്റപത്രം നല്കിയാലും തുടരന്വേഷണം നടത്താന് പൊലീസിന് അധികാരം ഉണ്ട്. ഇരയെന്ന നിലയില് കേസിലെ എല്ലാ പ്രതികളെയും വെളിച്ചത്ത് കൊണ്ടുവരണം എന്ന് തനിക്ക് താത്പര്യമുണ്ട്. പ്രതിക്ക് സ്വയം തനിക്കെതിരെ തുടരന്വേഷണം വേണ്ട എന്ന് പറയാനാകില്ലെന്നും നടി വാദിച്ചു.
RELATED STORIES
ഓസ്ട്രിയയില് ഹൈസ്കൂളില് വെടിവയ്പ്പ്; വിദ്യാര്ഥികളും...
10 Jun 2025 2:41 PM GMTകെനിയയില് വാഹനാപകടത്തില് അഞ്ചു മലയാളികള് മരിച്ചു; പരിക്കേറ്റവരില്...
10 Jun 2025 2:30 PM GMTകേരളത്തില് കമ്മ്യൂണിസത്തില് നിന്ന് കമ്മ്യൂണലിസത്തിലേക്ക് വഴിമാറിയ...
10 Jun 2025 2:19 PM GMTഡല്ഹിയിലെ അപ്പാര്ട്ട്മെന്റില് തീപിടിത്തം; താഴേയ്ക്കു ചാടിയ പിതാവും ...
10 Jun 2025 11:10 AM GMTലോക്കല് ട്രെയിനുകളുടെ കോച്ചുകളില് ഇനി ഓട്ടോമാറ്റിക് ഡോര്;...
10 Jun 2025 11:02 AM GMTയുപിയിലെ മിര്സാപൂരില് അംബേദ്കറുടെ പ്രതിമ തകര്ത്തു
10 Jun 2025 10:28 AM GMT