അഗ്‌നിപഥ്: യുവാക്കള്‍ക്ക് ഇന്ത്യന്‍ വ്യോമസേനയില്‍ ചേരാം; അപേക്ഷിക്കേണ്ടത് ഇങ്ങനെ

ഇന്ത്യന്‍ എയര്‍ഫോഴ്‌സ് അഗ്‌നിപഥ് പദ്ധതിയിലേക്ക് അപേക്ഷ ക്ഷണിച്ചു. താല്‍പ്പര്യമുള്ള ഉദ്യോഗാര്‍ത്ഥികള്‍ക്ക് അഗ്‌നിവീരായ് തസ്തികകളിലേക്ക് അപേക്ഷിക്കാം. agnipathvayu.cdac.in വഴി അപേക്ഷിക്കാം. രജിസ്റ്റര്‍ ചെയ്യാനുള്ള അവസാന തീയതി ജൂലൈ 5 ആണ്.

അഗ്‌നിപഥ് സ്‌കീമിന് കീഴിലുള്ള അഗ്‌നിവീര്‍വായു ഇന്‍ടേക്ക് 01/2022നുള്ള സെലക്ഷന്‍ ടെസ്റ്റിനായി അവിവാഹിതരായ പുരുഷന്മാരായ ഉദ്യോഗാര്‍ത്ഥികളില്‍ നിന്നാണ് ഇന്ത്യന്‍ വ്യോമസേന അപേക്ഷ ക്ഷണിച്ചത്.

അപേക്ഷകര്‍ സിഒബിഎസ്ഇ അംഗമായി ലിസ്റ്റ് ചെയ്തിട്ടുള്ള ഒരു വിദ്യാഭ്യാസ ബോര്‍ഡില്‍ നിന്ന് ഗണിതം, ഫിസിക്‌സ്, ഇംഗ്ലീഷ് എന്നിവയ്‌ക്കൊപ്പം ഇന്റര്‍മീഡിയറ്റ്/10+2/ തത്തുല്യ പരീക്ഷയില്‍ കുറഞ്ഞത് 50% മാര്‍ക്കോടെയും ഇംഗ്ലീഷില്‍ 50% മാര്‍ക്കോടെയും വിജയിച്ചിരിക്കണം.

അല്ലെങ്കില്‍ സര്‍ക്കാര്‍ അംഗീകൃത പോളിടെക്‌നിക് ഇന്‍സ്റ്റിറ്റിയൂട്ടില്‍ നിന്ന് എന്‍ജിനീയറിങ് (മെക്കാനിക്കല്‍/ഇലക്ട്രിക്കല്‍/ഇലക്ട്രോണിക്‌സ്/ഓട്ടോമൊബൈല്‍/കംപ്യൂട്ടര്‍ സയന്‍സ്/ഇന്‍സ്ട്രുമെന്റേഷന്‍ ടെക്‌നോളജി/ഇന്‍ഫര്‍മേഷന്‍ ടെക്‌നോളജി) ത്രിവത്സര ഡിപ്ലോമ കോഴ്‌സ് 50% മാര്‍ക്കോടെയും ഇംഗ്ലീഷില്‍ ഡിപ്ലോമയില്‍ 50% മാര്‍ക്കോടെ പാസായിരിക്കണം.