ജമ്മു കശ്മീരിലെ ഷോപ്പിയാനില്‍ ഏറ്റുമുട്ടല്‍; പോലിസുകാരന്‍ ഉള്‍പ്പെടെ നാലു പേര്‍ കൊല്ലപ്പെട്ടു

ശ്രീനഗര്‍: ജമ്മു കശ്മീറിലെ ഷോപ്പിയാനിലുണ്ടായ വെടിവയ്പില്‍ മൂന്നു സായുധരും ഒരു പോലിസുകാരനും കൊല്ലപ്പെട്ടു. കൊല്ലപ്പെട്ടവര്‍ ലഷ്‌ക്കര്‍ ഇ ത്വയ്ബ പ്രവര്‍ത്തകരാണെന്ന് പോലിസ് അവകാശപ്പെട്ടു. ബദ്ഗാമില്‍ സുരക്ഷ സേനയും സായുധരും തമ്മില്‍ ഏറ്റുമുട്ടല്‍ തുടരുകയാണ്. ഏറ്റുമുട്ടലില്‍ ഒരു പൊലീസുകാരന്‍ കൊല്ലപ്പെട്ടതിനു പുറമെ ഒരു പോലിസുകാരന് പരിക്കേല്‍ക്കുകയും ചെയ്തു. മുഹമ്മദ് അല്‍ത്താഫ് എന്ന പോലിസുകാരനാണ് മരിച്ചത്. മന്‍സൂര്‍ അഹമ്മദ് എന്ന പോലിസുകാരനാണ് പരിക്കേറ്റത്.