മുഖ്യമന്ത്രിക്ക് നേരെ ചൂലും കരിങ്കൊടിയും; വെമ്പായത്ത് ഡിവൈഎഫ്‌ഐ-കോണ്‍ഗ്രസ് സംഘട്ടനം

തിരുവനന്തപുരം: നവകേരള യാത്രയില്‍ മുഖ്യമന്ത്രിക്കുനേരെ കരിങ്കൊടിയും ചൂലും കാണിച്ചതിനെ തുടര്‍ന്ന് കോണ്‍ഗ്രസ്-ഡിവൈഎഫ്‌ഐ പ്രവര്‍ത്തകര്‍ തമ്മില്‍ സംഘര്‍ഷം. വെമ്പായം തേക്കടിയിലാണ് മുഖ്യമന്ത്രിയുടെ വാഹനം കടന്നുപോവുമ്പോള്‍ കോണ്‍ഗ്രസ് പ്രവര്‍ത്തകര്‍ കരിങ്കൊടി കാണിച്ചത്. ചൂല്, കറുത്ത ബലൂണ്‍, കരിങ്കൊടി തുടങ്ങിയവയാണ് മുഖ്യമന്ത്രിയുടെ വാഹനത്തിനു നേരെ കാണിച്ചത്. ഡിവൈഎഫ്‌ഐ പ്രവര്‍ത്തകര്‍ തടയാനെത്തുകയും കോണ്‍ഗ്രസ് പ്രവര്‍ത്തകരുമായി ഏറ്റമുട്ടുകയുമായിരുന്നു. ഇരു വിഭാഗത്തിലും പെട്ട നിരവധി പേര്‍ക്കാണ് പരിക്കേറ്റത്.