നാഗ്പൂരില് സ്ഫോടകവസ്തു നിര്മാണ ഫാക്ടറിയില് സ്ഫോടനം: 6 മരണം
നാഗ്പൂര്: നാഗ്പൂരിലെ ധംനയില് സ്ഫോടകവസ്തു നിര്മാണ ഫാക്ടറിയിലുണ്ടായ സ്ഫോടനത്തില് ആറുപേര് കൊല്ലപ്പെടുകയും അഞ്ച് പേര്ക്ക് പരിക്കേല്ക്കുകയും ചെയ്തു. നാല് സ്ത്രീകളും കൊല്ലപ്പെട്ടവരിലുണ്ട്. നഗരത്തില് നിന്ന് 25 കിലോമീറ്റര് അകലെ ഹിംഗന പോലിസ് സ്റ്റേഷന് പരിധിയില് ധംന ഗ്രാമത്തിലെ ചാമുണ്ഡി എക്സ്പ്ലോസീവ് പ്രൈവറ്റ് ലിമിറ്റഡിലാണ് സ്ഫോടനം നടന്നത്. അന്വേഷണം നടക്കുന്നതായും ക്രൈംബ്രാഞ്ചും മുതിര്ന്ന ഉദ്യോഗസ്ഥരും സ്ഥലത്തുണ്ടെന്നും പോലീസ് കമ്മീഷണര് രവീന്ദര് സിംഗാള് എഎന്ഐയോട് പറഞ്ഞു.
തൊഴിലാളികള് സ്ഫോടകവസ്തുക്കള് പായ്ക്ക് ചെയ്യുന്നതിനിടെ ഉച്ചയ്ക്ക് ഒന്നോടെയാണ് സ്ഫോടനം നടന്നത്. മൃതദേഹങ്ങള് പോസ്റ്റ്മോര്ട്ടത്തിനായി ആശുപത്രിയില് എത്തിച്ചിട്ടുണ്ട്. സ്ഥാപന ഉടമയും മാനേജരും ഒളിവിലാണ്. കഴിഞ്ഞ മാസം മെയ് 23ന് താനെ ജില്ലയിലെ ഡോംബിവ്ലിയിലെ വ്യാവസായിക മേഖലയിലുണ്ടായ വന് തീപിടിത്തത്തില് അഞ്ച് പേര് മരിക്കുകയും 56 പേര്ക്ക് ഗുരുതരമായി പരിക്കേല്ക്കുകയും ചെയ്തിരുന്നു. മറ്റൊരു സംഭവത്തില്, ജനുവരി 18ന് താനെയിലെ കെമിക്കല് ഫാക്ടറിയിലുണ്ടായ സ്ഫോടന പരമ്പരയില് ഒരു തൊഴിലാളി മരിക്കുകയും നാല് പേര്ക്ക് പരിക്കേല്ക്കുകയും ചെയ്തിരുന്നു. ഡ്രമ്മില് നിറച്ച ചില രാസവസ്തുക്കള് പൊട്ടിത്തെറിച്ച് ഒഴുകിയതിനാല് പുറത്ത് നിര്ത്തിയിച്ച ടെംപോകള്ക്കും വാഹനങ്ങള്ക്കും തീപിടിക്കുകയായിരുന്നു.
RELATED STORIES
രാഹുല് ഗാന്ധി അമേരിക്കയിലേക്ക്; മൂന്ന് ദിവസത്തെ സന്ദര്ശനത്തിന് ...
8 Sep 2024 3:25 AM GMTകൈയേറ്റം ചെയ്തെന്ന് വിനായകന്; ഹൈദരാബാദ് പോലിസ് കസ്റ്റഡിയിലെടുത്തു
7 Sep 2024 2:47 PM GMT'നിങ്ങള് ഒരു കൊലയാളിയാണ്'; ബെന്ഗ്വിറിനെ ബീച്ചില് നിന്നു പുറത്താക്കി ...
7 Sep 2024 2:37 PM GMTബലാത്സംഗക്കേസ്; മുകേഷിന്റെ മുന്കൂര് ജാമ്യം റദ്ദാക്കണമെന്ന്...
7 Sep 2024 12:42 PM GMTഎഡിജിപി ആര്എസ്എസ് നേതാവ് റാംമാധവിനെയും കണ്ടു; സ്പെഷ്യല് ബ്രാഞ്ച്...
7 Sep 2024 10:28 AM GMT'പുനര്ജനി' കേസില് വി ഡി സതീശന്-ആര്എസ്എസ് രഹസ്യധാരണയെന്ന് പി വി...
7 Sep 2024 8:27 AM GMT