നവവധു ചെന്നൈയിലെ ഭര്‍തൃഗൃഹത്തില്‍ മരിച്ച നിലയില്‍; ദുരൂഹതയെന്ന് ബന്ധുക്കള്‍

താനൂര്‍: നവവധുവിനെ ചെന്നൈയിലെ ഭര്‍തൃഗൃഹത്തില്‍ മരിച്ച നിലയില്‍ കണ്ടെത്തി. കെപുരം വെളുവില്‍ ദുര്‍ഗ്ഗാദേവി ക്ഷേത്രത്തിനു സമീപം നെടുകാഞ്ഞിരത്തില്‍ നിമിഷ(24)യെയാണ് ചെന്നൈയിലെ ഭര്‍ത്താവിന്റെ വീട്ടില്‍ മരിച്ച നിലയില്‍ കണ്ടെത്തിയത്. ഈ മാസം രണ്ടിനാണ് നിമിഷയും സുജിത്തും തമ്മിലുള്ള വിവാഹം നടന്നത്. മരണത്തില്‍ ദുരൂഹതയുണ്ടെന്ന് നിമിഷയുടെ ബന്ധുക്കള്‍ ആരോപിച്ചു. പിതാവ്: കുട്ടിനാരായണന്‍. മാതാവ്: ലക്ഷ്മി(താനാളൂര്‍ ആശാ വര്‍ക്കര്‍). സഹോദങ്ങള്‍: നിധുന്‍, നിഖില്‍.