സംസ്ഥാനത്ത് ഇന്ന് സമ്പൂര്ണ ലോക്ഡൗണ്
![സംസ്ഥാനത്ത് ഇന്ന് സമ്പൂര്ണ ലോക്ഡൗണ് സംസ്ഥാനത്ത് ഇന്ന് സമ്പൂര്ണ ലോക്ഡൗണ്](https://www.thejasnews.com/h-upload/2021/08/29/161983-lock.gif)
തിരുവനന്തപുരം: കൊവിഡ് വ്യാപനം തടയാന് സംസ്ഥാനത്ത് ഇന്ന് സമ്പൂര്ണ ലോക്ഡൗണ്. ഓണാഘോഷത്തിന് ശേഷം കൊവിഡ് കേസുകള് കൂടിയതോടെയാണ് നിയന്ത്രണങ്ങള് കടുപ്പിക്കുന്നത്. സംസ്ഥാനത്ത് നാളെ മുതല് രാത്രികാല കര്ഫ്യൂ ഉണ്ടാകും. രാത്രി പത്തുമുതല് രാവിലെ ആറുവരെയാണ് കര്ഫ്യൂ. വാര്ഡുകളിലെ ട്രപ്പിള് ലോക്ഡൗണ് ശക്തമാക്കും. പ്രതിവാര രോഗവ്യാപനതോത് ഏഴ് ശതമാനമുള്ള സ്ഥലങ്ങളിലാണ് ലോക്ഡൗണ് കര്ശനമാക്കുക.
കൊവിഡ് നിയന്ത്രണങ്ങള് ഏങ്ങനെ തുടരണമെന്ന് ചര്ച്ച ചെയ്യാന് ബുധനാഴ്ച വിദഗ്ധരുടെ യോഗം വിളിച്ചിട്ടുണ്ട്. കൊവിഡ് പ്രതിരോധ പ്രവര്ത്തനങ്ങള് ഏകോപിപ്പിക്കുന്നതിന് ഐഎഎസ് ഉദ്യോഗസ്ഥര്ക്ക് പുറമേ മുതിര്ന്ന ഐപിഎസ് ഉദ്യോഗസ്ഥരെ ജില്ലകളിലേക്ക് നിയമിച്ചു.
ചരക്ക് വാഹനങ്ങള്ക്ക് രാത്രി യാത്ര തുടരാം, അത്യാവശ്യ സേവനങ്ങളില് ഏര്പ്പെടുന്ന ജീവനക്കാരെയും കര്ഫ്യൂവില് നിന്ന് ഒഴിവാക്കിയിട്ടുണ്ട്. അടുത്ത ബന്ധുക്കളുടെ മരണം സംഭവിച്ചാലും യാത്ര ചെയ്യുന്നതിന് അനുമതിയുണ്ട്. ദീര്ഘദൂര യാത്രക്കാര്ക്കും യാത്ര ചെയ്യാം. ട്രെയിന് കയറുന്നതിനോ, എയര്പോര്ട്ടില് പോകുന്നതിനോ, കപ്പല് യാത്രക്കോ ആയി രാത്രി യാത്ര ചെയ്യാം, ടിക്കറ്റ് കയ്യില് കരുതിയാല് മതിയാകും. മറ്റെന്തെങ്കിലും അത്യാവശ്യത്തിനായി യാത്ര ചെയ്യണമെങ്കില് അടുത്തുള്ള പോലിസ് സ്റ്റേഷനില് നിന്ന് അനുമതി വാങ്ങണം.
RELATED STORIES
ആര്എസ്എസ് ക്യാംപിലെത്തി, ജനറല് സെക്രട്ടറിയുമായി ചർച്ച നടത്തി;...
7 Sep 2024 4:58 AM GMT'കശ്മീരി സ്ത്രീയുമായി ബന്ധം, എയര്ഹോസ്റ്റസുമാരുമായി പ്രണയം';...
6 Sep 2024 3:52 PM GMTഅസം മുഖ്യമന്ത്രിയുടെ വര്ഗീയ വിദ്വേഷ പ്രവര്ത്തനങ്ങള് നിയന്ത്രിക്കണം: ...
6 Sep 2024 6:26 AM GMTപോലിസിലെ ഉന്നതര് ബലാല്സംഗം ചെയ്തു; ഞെട്ടിക്കുന്ന വെളിപ്പെടുത്തലുമായി ...
6 Sep 2024 4:52 AM GMTഒടുവില് എസ്പി തെറിച്ചു; പത്തനംതിട്ട എസ് പി സുജിത്ത് ദാസിന്...
5 Sep 2024 3:38 PM GMTകൊടിഞ്ഞി ഫൈസല് വധം: അഡ്വ. പി ജി മാത്യു സ്പെഷ്യല് പബ്ലിക്...
5 Sep 2024 1:09 PM GMT