അന്തരിച്ച ബോളിവുഡ് നടന് സുശാന്ത് സിങ് രജ്പുതിന്റെ അഞ്ച് ബന്ധുക്കള് വാഹനാപകടത്തില് മരിച്ചു
![അന്തരിച്ച ബോളിവുഡ് നടന് സുശാന്ത് സിങ് രജ്പുതിന്റെ അഞ്ച് ബന്ധുക്കള് വാഹനാപകടത്തില് മരിച്ചു അന്തരിച്ച ബോളിവുഡ് നടന് സുശാന്ത് സിങ് രജ്പുതിന്റെ അഞ്ച് ബന്ധുക്കള് വാഹനാപകടത്തില് മരിച്ചു](https://www.thejasnews.com/h-upload/2021/11/16/171682-suss.jpg)
പട്ന: അന്തരിച്ച ബോളിവുഡ് നടന് സുശാന്ത് സിങ് രജ്പുതിന്റെ ബന്ധുക്കളായ അഞ്ചുപേര് വാഹനാപകടത്തില് മരിച്ചു. ബിഹാറിലെ ലഖിസരായ് ജില്ലയിലെ സിക്കന്ദ്ര- ഷെയ്ഖ്പുര ദേശീയപാത 333ലാണ് അപകടമുണ്ടായത്. ഇവര് സഞ്ചരിച്ചിരുന്ന കാര് കാലിയായ എല്പിജി സിലിണ്ടറുകള് നിറച്ച ട്രക്കുമായി കൂട്ടിയിടിക്കുകയായിരുന്നു. അപകടത്തില് മരണപ്പെട്ട ആറുപേരില് അഞ്ചുപേരും സുശാന്തിന്റെ ബന്ധുക്കളാണ്. സുശാന്തിന്റെ സഹോദരീ ഭര്ത്താവായ ഒപി സിങ്ങിന്റെ സഹോദരി ഗീതാ ദേവിയുടെ മരണാനന്തര ചടങ്ങില് പങ്കെടുത്ത് പട്നയില്നിന്ന് മടങ്ങുമ്പോഴാണ് അപകടമുണ്ടായത്.
ഗീതാ ദേവിയുടെ ഭര്ത്താവ് ലാല്ജിത് സിങ്, അദ്ദേഹത്തിന്റെ മക്കളായ അമിത് ശേഖര് എന്ന നെമാനി സിങ്, രാം ചന്ദ്രസിങ്, ബന്ധുക്കളായ ബേബി ദേവി, അനിതാ ദേവി, ഡ്രൈവര് പ്രീതം കുമാര് എന്നിവരാണ് മരിച്ചത്. 10 പേരാണ് വാഹനത്തിലുണ്ടായിരുന്നത്. ഗുരുതരമായി പരിക്കേറ്റ ബാല്മുകുന്ദ് സിങ്, ദില് ഖുഷ് സിങ് എന്നിവരെ വിദഗ്ധചികില്സയ്ക്കായി പട്നയിലെ ആശുപത്രിയിലേക്ക് മാറ്റി. പരിക്കേറ്റ ബാല്മീകി സിങ്, ടോനു സിങ് എന്നിവര് ലഖിസരായ് ജില്ലാ ആശുപത്രിയില് ചികില്സയിലാണ്. ഹരിയാനയിലെ മുതിര്ന്ന പോലിസ് ഉദ്യോഗസ്ഥനായ ഓം പ്രകാശ് സിങ്ങിന്റെ ഭാര്യാ സഹോദരനായിരുന്നു ലാല്ജിത് സിങ്. സുശാന്ത് സിങ് രാജ്പുത്തിന്റെ ഭാര്യാ സഹോദരനാണ് ഒ പി സിങ്.
RELATED STORIES
കൈയേറ്റം ചെയ്തെന്ന് വിനായകന്; ഹൈദരാബാദ് പോലിസ് കസ്റ്റഡിയിലെടുത്തു
7 Sep 2024 2:47 PM GMTയുപിയില് മുസ് ലിം യുവാവിനെ ആക്രമിച്ച് ബജ്റങ്ദള് പ്രവര്ത്തകര്;...
7 Sep 2024 8:01 AM GMTഡ്രോണ്, റോക്കറ്റ് ആക്രമണത്തിന് പിന്നാലെ വെടിവയ്പ്; മണിപ്പൂരില്...
7 Sep 2024 7:13 AM GMT'ദൈവമെന്ന് സ്വയം അവകാശപ്പെടരുത്, ജനങ്ങളാണ് തീരുമാനിക്കേണ്ടത്';...
7 Sep 2024 6:24 AM GMT'കശ്മീരി സ്ത്രീയുമായി ബന്ധം, എയര്ഹോസ്റ്റസുമാരുമായി പ്രണയം';...
6 Sep 2024 3:52 PM GMTഅസമില് തടങ്കല് പാളയത്തിലടച്ചത് രേഖകളുള്ള മുസ് ലിംകളെ; വിവരങ്ങള്...
6 Sep 2024 1:53 PM GMT