'പാര്‍ട്ടി തന്നെ കോടതി' പരാമര്‍ശം: എം സി ജോസഫൈനെതിരേ ഹൈക്കോടിതിയില്‍ ഹരജി

കൊച്ചി: സംസ്ഥാന വനിതാ കമ്മീഷന്‍ അധ്യക്ഷ സ്ഥാനത്തുനിന്ന് എം സി ജോസഫൈനെതിരേ ഹൈക്കോടതിയില്‍ ഹരജി. ''കമ്മ്യൂണിസ്റ്റ് പാര്‍ട്ടി തന്നെയാണ് പോലിസ് സ്‌റ്റേഷനും കോടതിയും'' എന്ന എം സി ജോസഫൈന്റെ വിവാദ പരാമര്‍ശത്തിനെതിരേ മഹിളാ കോണ്‍ഗ്രസ് അധ്യക്ഷ ലതികാ സുഭാഷാണ് ഹരജി നല്‍കിയത്. എന്ത് യോഗ്യതയുടെ അടിസ്ഥാനത്തിലാണ് ജോസഫൈന്‍ അധ്യക്ഷ ആയതെന്ന് വിശദീകരിക്കണമെന്നാണ് ഹരജിയിലെ ആവശ്യം. കേസ് കോടതി നാളെ പരിഗണിക്കും. പി കെ ശശിക്കെതിരായ പീഡനപരാതിയെക്കുറിച്ച് പ്രതികരിക്കുന്നതിനിടെയാണ് 'പാര്‍ട്ടി ഒരേസമയം കോടതിയും പോലിസ് സ്‌റ്റേഷനുമാണെ'ന്നു എംസി ജോസഫൈന്‍ പറഞ്ഞത്.