വെസ്റ്റ്ബാങ്കില് വ്യാപക റെയ്ഡുമായി ഇസ്രായേല്; 50 ഫലസ്തീനികള് അറസ്റ്റില്
ഏപ്രില് പകുതിക്ക് ശേഷം ഇസ്രായേലിലും അധിനിവിഷ്ട വെസ്റ്റ്ബാങ്കിലും അറബ് പട്ടണങ്ങളിലുമായി 1,800 ല് അധികം ഫലസ്തീനികളെ ഇസ്രായേല് സൈന്യം അറസ്റ്റ് ചെയ്തതായി എന്ജിഒ അറിയിച്ചു.
![വെസ്റ്റ്ബാങ്കില് വ്യാപക റെയ്ഡുമായി ഇസ്രായേല്; 50 ഫലസ്തീനികള് അറസ്റ്റില് വെസ്റ്റ്ബാങ്കില് വ്യാപക റെയ്ഡുമായി ഇസ്രായേല്; 50 ഫലസ്തീനികള് അറസ്റ്റില്](https://www.thejasnews.com/h-upload/2021/05/22/149827-arrest.jpeg)
അധിനിവിഷ്ട വെസ്റ്റ്ബാങ്കില് ഉടനീളം നടത്തിയ റെയ്ഡുകളില് 50 ഫലസ്തീനികളെ ഇസ്രയേല് സൈന്യം അറസ്റ്റ് ചെയ്തതായി ഫലസ്തീന് പ്രിസണ് സൊസൈറ്റി അറിയിച്ചു. അതേസമയം, എന്തിനാണ് ഇവര് അറസ്റ്റിലായതെന്നതിനെക്കുറിച്ച് ഫലസ്തീന് പ്രിസണ് സൊസൈറ്റി വ്യക്തമാക്കിയിട്ടില്ല.
ഏപ്രില് പകുതിക്ക് ശേഷം ഇസ്രായേലിലും അധിനിവിഷ്ട വെസ്റ്റ്ബാങ്കിലും അറബ് പട്ടണങ്ങളിലുമായി 1,800 ല് അധികം ഫലസ്തീനികളെ ഇസ്രായേല് സൈന്യം അറസ്റ്റ് ചെയ്തതായി എന്ജിഒ അറിയിച്ചു.
കുടിയേറ്റ സംഘങ്ങള്ക്ക് അനുകൂലമായി 12 ഫലസ്തീന് കുടുംബങ്ങളെ ജറുസലേമിലെ ഷെയ്ഖ് ജര്റാഹ് പരിസരത്തുള്ള വീടുകളില് നിന്ന് പുറത്താക്കാനുള്ള ഇസ്രായേല് കോടതി വിധിയെതുടര്ന്നാണ് വെസ്റ്റ്ബാങ്കില് സംഘര്ഷം ഉടലെടുത്തത്.
തുടര്ന്ന് സംഘര്ഷം ഗസ മുനമ്പിലേക്ക് പടരുകയായിരുന്നു. മെയ് 10 മുതല് ഗസയില് സയണിസ്റ്റ് സൈന്യം നടത്തിയ വ്യോമാക്രമണത്തില് 69 കുട്ടികളും 40 സ്ത്രീകളും ഉള്പ്പെടെ 279 സിവിലിയന്മാര് കൊല്ലപ്പെട്ടു. 1,910 പേര്ക്ക് പരിക്കേല്ക്കുകയും ചെയ്തിരുന്നു.
ഗസ മുനമ്പില് നിന്ന് ഫലസ്തീന് വിമോചന പ്രസ്ഥാനങ്ങളുടെ തിരിച്ചടിയില് 12 ഇസ്രായേലികളും കൊല്ലപ്പെട്ടു.ഈജിപ്ഷ്യന് മധ്യസ്ഥതയില് വെള്ളിയാഴ്ചയാണ് ഇരുവിഭാഗവും വെടിനിര്ത്തലിന് സമ്മതിച്ചത്.
RELATED STORIES
കൈയേറ്റം ചെയ്തെന്ന് വിനായകന്; ഹൈദരാബാദ് പോലിസ് കസ്റ്റഡിയിലെടുത്തു
7 Sep 2024 2:47 PM GMTസിവില് സര്വീസ് പരീക്ഷാ തട്ടിപ്പ്; പൂജ ഖേദ്കറെ സര്വീസില് നിന്ന്...
7 Sep 2024 2:39 PM GMT'നിങ്ങള് ഒരു കൊലയാളിയാണ്'; ബെന്ഗ്വിറിനെ ബീച്ചില് നിന്നു പുറത്താക്കി ...
7 Sep 2024 2:37 PM GMTഎഡിജിപി ആര്എസ്എസ് നേതാവ് റാംമാധവിനെയും കണ്ടു; സ്പെഷ്യല് ബ്രാഞ്ച്...
7 Sep 2024 10:28 AM GMT'പുനര്ജനി' കേസില് വി ഡി സതീശന്-ആര്എസ്എസ് രഹസ്യധാരണയെന്ന് പി വി...
7 Sep 2024 8:27 AM GMTയുപിയില് മുസ് ലിം യുവാവിനെ ആക്രമിച്ച് ബജ്റങ്ദള് പ്രവര്ത്തകര്;...
7 Sep 2024 8:01 AM GMT