തട്ടിയത്‌ ലക്ഷങ്ങൾ; സന്ദീപ്‌ വാര്യരെ ബിജെപി വക്താവ്‌ സ്ഥാനത്തുനിന്ന്‌ പുറത്താക്കി

കോട്ടയം: ബിജെപി സംസ്ഥാന വക്താവ്‌ സ്ഥാനത്തു നിന്ന്‌ സന്ദീപ്‌ വാര്യരെ പുറത്താക്കി. കോട്ടയത്ത്‌ ചേർന്ന ബിജെപി കോർ കമ്മിറ്റി യോഗത്തിലാണ്‌ നടപടിയെന്ന് കൈരളി ന്യൂസ് റിപോർട്ട് ചെയ്യുന്നു.

പാർട്ടിയെ ഉപയോഗിച്ച്‌ ലക്ഷങ്ങൾ തട്ടിച്ചെന്ന്‌ പാലക്കാട്‌, തൃശ്ശൂർ, മലപ്പുറം, കോഴിക്കോട്‌ ജില്ലാ കമ്മിറ്റികൾ ബിജെപി നേതൃത്വത്തിന്‌ പരാതി നൽകിയിരുന്നു. നാല്‌ ജില്ലാ അധ്യക്ഷന്മാരാണ്‌ പരാതി നൽകിയിരുന്നത്‌. സംസ്ഥാന ഭാരവാഹി യോഗത്തിൽ പങ്കെടുക്കാതെ സന്ദീപ്‌ വാര്യർ മടങ്ങി.

സാമ്പത്തിക തിരിമറി നടത്തിയതുമായി ബന്ധപ്പെട്ട് നേരത്തേയും സന്ദീപ് വാര്യറിനെതിരേ പരാതി ഉയർന്നതായ വിവരങ്ങൾ പുറത്തുവന്നിരുന്നു.