പാലക്കാട് അന്തിമവിജയം എല്‍ഡിഎഫിന്; കോണ്‍ഗ്രസ് ചത്ത കുതിരയെന്ന് വെള്ളാപ്പള്ളി നടേശന്‍

കോട്ടയം: കോണ്‍ഗ്രസിനെതിരേ രൂക്ഷ വിമര്‍ശനവുമായി എസ്എന്‍ഡിപി യോഗം ജനറല്‍സെക്രട്ടറി വെള്ളാപ്പള്ളി നടേശന്‍. ഒരു െ്രെപവറ്റ് ലിമിറ്റഡ് കമ്പനി പോലെയാണ് കോണ്‍ഗ്രസ് പ്രവര്‍ത്തിക്കുന്നതെന്നും അത് ചത്ത കുതിരയാണെന്നും വെള്ളാപ്പള്ളി പരിഹസിച്ചു. പാലക്കാട് ഇത്തവണ ശക്തമായ ത്രികോണ മത്സരമാണ് നടക്കുന്നത്. മൂന്ന് മുന്നണികളും ഒപ്പത്തിനൊപ്പമാണ്.

കോണ്‍ഗ്രസിനെ പറ്റി ഒന്നും പറയാനില്ല. ചത്തകുതിരയെ പറ്റി എന്തിനാണ് പറയുന്നത്. അഞ്ച് പേരാണ് കോണ്‍ഗ്രസില്‍ മുഖ്യമന്ത്രിയാകാന്‍ നില്‍ക്കുന്നത്. എന്നെ ഒതുക്കാനും ജയിലില്‍ അടക്കാനും നടന്നത് കോണ്‍ഗ്രസാണ്. അതുകൊണ്ട് കൂടുതലൊന്നും പറയുന്നില്ല. കോണ്‍ഗ്രസ് ഒരു െ്രെപവറ്റ് ലിമിറ്റഡ് കമ്പനി ആയി പോകുന്നു. അടുത്ത തവണ എല്‍ഡിഎഫ് തന്നെ ഭരണത്തില്‍ വരുമെന്ന് പൂര്‍ണമായും വിശ്വസിക്കുന്ന ഒരാളാണ് ഞാന്‍. ത്രികോണ മത്സരത്തിന്റെ ശക്തിയില്‍ പ്രയോജനം കിട്ടുന്നത് ഇടതുപക്ഷത്തിന് ആയിരിക്കുമെന്നും അദ്ദേഹം കൂട്ടിചേര്‍ത്തു.