- Home
- Latest News
- news line
- Districts
- Kerala
- India
- World
- Sports
- Videos+
- Arogyathejas
- Around The Globe
- Bomb Squad
- Charithrapadham
- Cinimayude Varthamanam
- Cut 'n' Right
- Editors Voice
- Hridaya Thejas
- In Focus
- In Quest
- India Scan
- Kalikkalam
- Marupaksham
- NEWS LINE
- Nireekshanam
- Pusthakavicharam
- RAMADAN VICHARAM
- Samantharam
- Shani Dasha
- Swathwa Vicharam
- Vazhivelicham
- VideoNews
- World in Words
- Yathra
- voice over
- Sub Lead
മീഡിയാ അക്കാദമി പിജി ഡിപ്ലോമ: മെയ് 15 വരെ അപേക്ഷിക്കാം
തിരുവനന്തപുരം: സംസ്ഥാന സര്ക്കാര് സ്ഥാപനമായ കേരള മീഡിയാ അക്കാദമിയുടെ ഇന്സ്റ്റിറ്റിയൂട്ട് ഓഫ് കമ്യൂണിക്കേഷന് നടത്തുന്ന പിജി ഡിപ്ലോമ കോഴ്സ് പ്രവേശനത്തിന് അപേക്ഷ ക്ഷണിച്ചു. ജേണലിസം ആന്റ് കമ്മ്യൂണിക്കേഷന്, ടെലിവിഷന് ജേണലിസം, പബ്ലിക് റിലേഷന്സ് ആന്റ് അഡ്വര്ടൈസിങ് എന്നീ പോസ്റ്റ് ഗ്രാജ്വേറ്റ് ഡിപ്ലോമ കോഴ്സുകള്ക്ക് മെയ് 15 വരെ ഓണ്ലൈനായി അപേക്ഷ നല്കാം. ഏതെങ്കിലും വിഷയത്തില് ബിരുദമാണ് അടിസ്ഥാന യോഗ്യത. അവസാനവര്ഷ ബിരുദ പരീക്ഷ എഴുതുന്നവര്ക്കും, പരീക്ഷയെഴുതി ഫലം കാത്തിരിക്കുന്നവര്ക്കും അപേക്ഷിക്കാം. 31.5.2024ന് 28 വയസ്സ് കവിയരുത്. പട്ടികജാതി, പട്ടികവര്ഗ, ഒഇസി വിഭാഗക്കാര്ക്ക് നിയമാനുസൃത വയസിളവുണ്ടായിരിക്കും. ഈ വിഭാഗക്കാര്ക്ക് ഫീസിളവും ഉണ്ടാവും. അഭിരുചി പരീക്ഷയുടേയും ഇന്റര്വ്യൂവിന്റേയും അടിസ്ഥാനത്തിലായിരിക്കും പ്രവേശനം. പ്രവേശന പരീക്ഷ ഓണ്ലൈനായാണ് നടത്തുന്നത്.
പ്രിന്റ് ജേണലിസം, റേഡിയോ, ഓണ്ലൈന്, സോഷ്യല് മീഡിയ, ബ്രോഡ്കാസ്റ്റ് ജേണലിസം, മൊബൈല് ജേണലിസം തുടങ്ങിയ മാധ്യമപ്രവര്ത്തനത്തിന്റെ വിവിധ മേഖലകളില് പരിശീലനം നല്കുന്ന സമഗ്രമായ പാഠ്യപദ്ധതിയാണ് ജേണലിസം ആന്റ് കമ്മ്യൂണിക്കേഷന് കോഴ്സ്. ടെലിവിഷന് ജേണലിസം, ന്യൂസ് ആങ്കറിങ്, വീഡിയോ കാമറ, വീഡിയോ എഡിറ്റിങ്, ഡോകുമെന്ററി പ്രൊഡക്ഷന്, മീഡിയ കണ്വെര്ജന്സ്, മൊബൈല് ജേണലിസം തുടങ്ങി ദൃശ്യമാധ്യമ മേഖലയില് സമഗ്രമായ പ്രായോഗിക പരിശീലനം നല്കുന്ന കോഴ്സാണ് ടെലിവിഷന് ജേണലിസം.
പബ്ലിക് റിലേഷന്സ്, അഡ്വര്ടൈസിങ് മേഖലയിലെ നൂതനപ്രവണതകളില് പ്രായോഗിക പരിശീലനത്തിന് ഊന്നല് നല്കുന്നതാണ് പബ്ലിക് റിലേഷന്സ് ആന്റ് അഡ്വര്ടൈസിങ് കോഴ്സ്. ഒപ്പം, ജേണലിസം, ക്രിയേറ്റീവ് റൈറ്റിങ്, പോഡ്കാസ്റ്റിങ്, ഡിജിറ്റല് മാര്ക്കറ്റിങ്, ആഡ് ഫിലിം മേക്കിങ് എന്നിവയിലും പരിശീലനം നല്കുന്നു. ഇന്റേണ്ഷിപ്പും പ്രാക്ടിക്കലും ഉള്പ്പെടെ കോഴ്സിന്റെ ദൈര്ഘ്യം ഒരുവര്ഷമാണ്. കോഴ്സ് സംബന്ധിച്ച വിശദ വിവരങ്ങള് മീഡിയ അക്കാദമിയുടെ www.keralamediaacademy.org എന്ന വെബ്സൈറ്റില് ലഭിക്കും. അപേക്ഷകള് ഓണ്ലൈനായി വെബ്സൈറ്റിലൂടെ സമര്പ്പിക്കാം. അപേക്ഷാഫീസ് 300 രൂപ(പട്ടികജാതി, പട്ടികവര്ഗ, ഒഇസി വിഭാഗക്കാര്ക്ക് 150 രൂപ) ഇട്രാന്സ്ഫര്/ജിപേ/ബാങ്ക് മുഖേന അടച്ച രേഖ അപേക്ഷയോടൊപ്പം അപ്ലോഡ് ചെയ്യണം. ഓണ്ലൈന് അപേക്ഷ സമര്പ്പിക്കേണ്ട അവസാന തിയ്യതി 2024 മെയ് 15. ഫോണ്: 04842422275. 9539084444 (ഡയറക്ടര്), 8086138827 (ടെലിവിഷന് ജേണലിസം കോഓഡിനേറ്റര്), 7907703499 (പബ്ലിക് റിലേഷന്സ് കോഓഡിനേറ്റര്), 9388533920 (ജേണലിസം & കമ്യൂണിക്കേഷന് കോഓഡിനേറ്റര്).
RELATED STORIES
സംസ്ഥാന ഹജ്ജ് കമ്മിറ്റി അംഗങ്ങളെ തിരഞ്ഞെടുത്തു
22 Nov 2024 5:35 PM GMTഐലീഗില് ജയത്തോടെ തുടങ്ങി ഗോകുലം കേരള; ശ്രീനിധിയെ തകര്ത്തു
22 Nov 2024 3:45 PM GMTമദ്യലഹരിയില് കാറിടിച്ച് തെറിപ്പിച്ചു; പാലക്കാട് രണ്ടുപേര്ക്ക്...
22 Nov 2024 3:10 PM GMTകൈക്കൂലി വാങ്ങുന്നതിനിടെ അസിസ്റ്റൻ്റ് ലേബർ കമ്മീഷണർ പിടിയിൽ
22 Nov 2024 2:59 PM GMTമുനമ്പം വഖ്ഫ്ഭൂമി പ്രശ്നം:ജുഡീഷ്യൽ കമ്മീഷനെ നിയോഗിക്കുമെന്ന് സർക്കാർ
22 Nov 2024 2:09 PM GMTസന്തോഷ് ട്രോഫി; ലക്ഷദ്വീപിനെ 10 ഗോളിന് തകര്ത്ത് കേരളം
22 Nov 2024 1:32 PM GMT