ആര്എസ്എസ് ക്യാംപിലെത്തി, ജനറല് സെക്രട്ടറിയുമായി ചർച്ച നടത്തി; സമ്മതിച്ച് എഡിജിപി
സ്പെഷ്യല് ബ്രാഞ്ച് ഡിജിപിക്കും ഇന്ലിജന്സ് വിഭാഗത്തിനും കൂടിക്കാഴ്ച നടന്നതായി റിപ്പോര്ട്ട് നല്കിയിരുന്നു.
തിരുവനന്തപുരം: ആര്എസ്എസ് ക്യാംപിലെത്തി ജനറല് സെക്രട്ടറി ദത്താത്രയെ ഹൊസബലേയുമായി ചര്ച്ച നടത്തിയെന്ന് സമ്മതിച്ച് ക്രമസമാധാന ചുമതലയുള്ള എഡിജിപി എംആര് അജിത്കുമാര്. മുഖ്യമന്ത്രി പിണറായിയുടെ ഓഫിസിന് നല്കിയ വിശദീകരണത്തിലാണ് വെളിപ്പെടുത്തല്. സ്വകാര്യ സന്ദര്ശനമാണെന്നാണ് വിശദീകരണം.
2023 മെയ് 22നായിരുന്നു സന്ദര്ശനം. ആര്എസ്എസ് ജനറല് സെക്രട്ടറി ദത്താത്രയെ ഹൊസബലേയെ തൃശൂരില് എഡിജിപി കണ്ടെന്ന് കഴിഞ്ഞ ദിവസം പ്രതിപക്ഷ നേതാവ് വി ഡി സതീശനാണ് ആരോപണം ഉന്നയിച്ചിരുന്നത്. പാറമേക്കാവ് വിദ്യാമന്ദിറില് ആര്എസ്എസ് ക്യാംപിനിടെയായിരുന്നു സന്ദര്ശനം. സ്പെഷ്യല് ബ്രാഞ്ച് ഡിജിപിക്കും ഇന്റലിജന്സ് വിഭാഗത്തിനും ചര്ച്ച സംബന്ധിച്ച് റിപോര്ട്ട് നല്കിയിരുന്നു.
ആര്എസ്എസ് ജനറല് സെക്രട്ടറി ദത്താത്രേയ ഹൊസബലേയെ തൃശൂരില് പഞ്ചനക്ഷത്ര ഹോട്ടലില് താമസിച്ച ദിവസം എഡിജിപി എം ആര് അജിത്കുമാര് അവിടെയെത്തിയെന്നായിരുന്നു സ്പെഷ്യല് ബ്രാഞ്ച് റിപോര്ട്ട്. ആര്എസ്എസിന്റെ പോഷകസംഘടനയായ വിജ്ഞാനഭാരതിയുടെ മലയാളിയായ ദേശീയ ഭാരവാഹിക്കൊപ്പമാണ് 2023 മെയ് 22ന് എഡിജിപി എത്തിയതെന്നും തൃശൂര് സ്പെഷല് ബ്രാഞ്ച് ഉദ്യോഗസ്ഥര് മേലുദ്യോഗസ്ഥരെ അറിയിച്ചിരുന്നു. എന്നാല് ഇവര് ഹോട്ടലില് ആരെ കണ്ടെന്നു കണ്ടെത്താനായില്ല. പൂരം കലക്കി ബിജെപിക്ക് രാഷ്ട്രീയ നേട്ടം ഉണ്ടാക്കുകയായിരുന്നു കൂടിക്കാഴ്ചയിലൂടെ ലക്ഷ്യമിട്ടതെന്നാണ് പ്രതിപക്ഷനേതാവടക്കം ആരോപണം ഉന്നയിച്ചത്.
RELATED STORIES
മൈനാഗപ്പള്ളി വാഹനാപകടക്കൊല: ഡ്രൈവര്ക്കും വനിതാ ഡോക്ടര്ക്കുമെതിരേ...
16 Sep 2024 4:46 PM GMTവര്ക്കലയില് ബൈക്കുകള് കൂട്ടിയിടിച്ച് മൂന്ന് യുവാക്കള് മരിച്ചു
16 Sep 2024 4:32 PM GMTജഡ്ജസ് മീറ്റ് രഹസ്യയോഗം; ചിത്രം പുറത്തുവിട്ടത് അബദ്ധത്തിലെന്ന്...
16 Sep 2024 4:21 PM GMTമുംബൈയില് ട്രെയിനില്നിന്ന് വീണ് മരിച്ച പെരിന്തല്മണ്ണ സ്വദേശിയുടെ...
16 Sep 2024 3:57 PM GMTഎടക്കുളം സ്വദേശി അബൂദബിയില് മരണപ്പെട്ടു
16 Sep 2024 3:45 PM GMTതാനൂരില് പ്ലസ് ടു വിദ്യാര്ഥിനി തുങ്ങിമരിച്ച നിലയില്
16 Sep 2024 3:40 PM GMT