ഹിന്ദു പെണ്‍കുട്ടിയോട് സംസാരിച്ചതിന് മുസ് ലിം വിദ്യാര്‍ഥിയെ സഹപാഠികള്‍ മര്‍ദിച്ച് അവശനാക്കി; എട്ട് പേര്‍ക്കെതിരേ കേസ്

മംഗളൂരു: കര്‍ണാടകയില്‍ ലൗ ജിഹാദ് ആരോപിച്ച് വീണ്ടും ആക്രമണം. ഹിന്ദു പെണ്‍കുട്ടിയോട് സംസാരിച്ചതിന്റെ പേരിലാണ് വിദ്യാര്‍ഥിയെ സഹപാഠികള്‍ ചേര്‍ന്ന് ക്രൂരമായി മര്‍ദിച്ചത്. ദക്ഷിണ കന്നടയിലെ സുള്ള്യ കൊടിയാല്‍ ഡിഗ്രി കോളജിലെ മുഹമ്മദ് ഹനീഫിനേയാണ് ഹിന്ദുത്വ സംഘടനാ പ്രവര്‍ത്തകരുടെ നേതൃത്വത്തിലുള്ള സഹപാഠികള്‍ ചേര്‍ന്ന് മര്‍ദിച്ചത്. വിദ്യാര്‍ഥിയെ ക്രൂരമായി മര്‍ദിച്ച അവശനാക്കിയ സംഘം കൊല്ലുമെന്നും ഭീഷണിപ്പെടുത്തി. സംഭവത്തില്‍ എട്ട് വിദ്യാര്‍ഥികള്‍ക്കെതിരേ പോലിസ് കേസെടുത്തു.