എ വിജയരാഘവന്‍ ആര്‍എസ്എസിനു കുഴലൂതുന്നു: മുസ്തഫ കൊമ്മേരി

മലപ്പുറം: ന്യൂനപക്ഷങ്ങള്‍ക്കു നേരെ നിരന്തരം ആക്ഷേപം ചൊരിയുന്ന സിപിഎം സംസ്ഥാന സെക്രട്ടറി എ വിജയരാഘവന്‍ ആര്‍എസ്എസിനു കുഴലൂതുന്നുവെന്ന് എസ്ഡിപിഐ സംസ്ഥാന സെക്രട്ടറി മുസ്തഫ കൊമ്മേരി. മലപ്പുറത്ത് നടന്ന വാര്‍ത്താ സമ്മേളനത്തില്‍ സംസാരിക്കുകയായിരുന്നു അദ്ദേഹം. യുഡിഎഫ്, എല്‍ഡിഎഫ്, എന്‍ഡിഎ മുന്നണികളുടെ ധ്രുവീകരണ രാഷ്ട്രീയത്തിനെതിരേ ജനകീയ ബദല്‍ ആയി നിയമസഭ തിരഞ്ഞെടുപ്പിലും, മലപ്പുറം ലോക്‌സഭ ഉപതിരഞ്ഞെടുപ്പിലും മത്സരിക്കും. ഇതിന്റെ ഭാഗമായി 140 മണ്ഡലങ്ങളിലും ജനകീയ പ്രചാരണം സംഘടിപ്പിക്കും.

സംസ്ഥാന തല ഉദ്ഘാടനം ഫെബ്രുവരി 20ന് മലപ്പുറത്ത് ദേശീയ സെക്രട്ടറി ഡോ. തസ്‌ലീം അഹമ്മദ് റഹ്മാനി (ന്യൂഡല്‍ഹി) നിര്‍വഹിക്കും വാര്‍ത്താ സമ്മേളനത്തില്‍ സംസ്ഥാന കമ്മിറ്റി അംഗങ്ങളായ ജലീല്‍ നീലാമ്പ്ര, അഡ്വ. എ എ റഹീം, മലപ്പുറം ജില്ല സെക്രട്ടറി ടി എം ഷൗക്കത്തലി എന്നിവരും പങ്കെടുത്തു.