നിപ; മലപ്പുറത്ത് മരിച്ച യുവാവിന്റെ നേരിട്ട് സമ്പര്ക്കത്തിലുള്ളത് 26 പേര്
മലപ്പുറം: മലപ്പുറം നടുവത്ത് നിപ സംശയിക്കുന്ന യുവാവിന്റെ സമ്പര്ക്കത്തിലുള്ളത് 26 പേര്. ഇവരുടെ പട്ടിക ആരോഗ്യ വകുപ്പ് തയ്യാറാക്കി. തിരുവാലി പഞ്ചായത്തില് ജനപ്രതിനിധികളും ആരോഗ്യ വകപ്പ് ഉദ്യോഗസ്ഥരും യോഗം ചേര്ന്നു. പ്രതിരോധ പ്രവര്ത്തനങ്ങളും നിയന്ത്രണങ്ങളുമാണ് യോഗത്തില് ചര്ച്ച ചെയ്തത്. അതേസമയം, നിപ ഔദോഗികമായി സ്ഥിരീകരിച്ചാല് തുടര്നടപടികളിലേക്ക് ജില്ലാ ഭരണകൂടം കടക്കും. കഴിഞ്ഞ തിങ്കളാഴ്ച്ചയാണ് ബെംഗളൂരുവില് നിന്ന് എത്തിയ വിദ്യാര്ത്ഥിയായ 23 കാരന് മരിച്ചത്. യുവാവിന് നിപയെന്നാണ് പ്രാഥമിക പരിശോധന ഫലം.
വണ്ടൂര് പഞ്ചായത്തിലെ നടുവത്ത് സ്വദേശിയും ബെംഗുളുരുവില് വിദ്യാര്ഥിയുമായ 23കാരന് കഴിഞ്ഞ തിങ്കളാഴ്ചയായിരുന്നു പെരിന്തല്മണ്ണ സ്വകാര്യ ആശുപത്രിയില് വച്ച് മരിച്ചത്. നിപ ലക്ഷണങ്ങള് കണ്ടതിനെ തുടര്ന്ന് കോഴിക്കോട് മെഡിക്കല് കോളേജിലേക്ക് സ്രവസാമ്പിള് പരിശോധനയ്ക്ക് അയക്കുകയായിരുന്നു. കോഴിക്കോട്ട് നടത്തിയ പരിശോധനയിലാണ് നിപ പോസിറ്റീവ് എന്ന ഫലം വന്നത്. സ്ഥിരീകരണത്തിനായി പുനെ എന്ഐവി യിലേക്ക് സാമ്പിള് അയച്ചിട്ടുണ്ട്. ഓഗസ്റ്റ് 23നായിരുന്നു ബംഗളൂരുവില് നിന്ന് യുവാവ് നാട്ടിലെത്തിയത്. ബംഗളൂരുവില് വച്ച് കാലിനുണ്ടായ പരിക്കിന് ആയുര്വേദ ചികിത്സയ്ക്കായിരുന്നു നാട്ടിലെത്തിയത്. ഇതിനിടെയാണ് ഇയാള്ക്ക് പനി ബാധിച്ചത്.
ആദ്യം വണ്ടൂരിലെ സ്വകാര്യ ആശുപത്രിയില് പ്രവേശിപ്പിച്ചെങ്കിലും പനി കുറയാഞ്ഞതിനെ തുടര്ന്നായിരുന്നു ഈ മാസം അഞ്ചിന് പെരിന്തല്മണ്ണയിലെ ആശുപത്രിയിലേക്ക് മാറ്റിയത്. ഇവിടെ ചികിത്സയിലിരിക്കയാണ് മരണം. നേരത്തെ ഒമ്പതാം ക്ലാസ് വിദ്യാര്ത്ഥി നിപ ബാധിച്ച മരിച്ച ചെമ്പ്രശ്ശേരിയില് നിന്ന് 10 കിലോമീറ്റര് മാത്രം മാറിയാണ് ഇപ്പോള് നിപ ലക്ഷണങ്ങളേടെ മരിച്ച യുവാവിന്റെ വീട്.
RELATED STORIES
ഷാര്ജ അന്താരാഷ്ട്ര പുസ്തക മേളയില് 2213 പ്രസാധകര്
13 Oct 2022 5:43 PM GMTവെടിക്കാരന് ചെമ്മീന്; ഭീകരനാണിവന്, കൊടും ഭീകരന്
12 Oct 2022 8:20 AM GMT'സ്വർണ കവചവാലൻ' പാമ്പിനെ 142 വർഷങ്ങൾക്ക് ശേഷം വീണ്ടും കണ്ടെത്തി
10 Oct 2022 5:44 AM GMTശാന്തിവനത്തെ തനിച്ചാക്കി പരിസ്ഥിതി പ്രവർത്തക മീന ശാന്തിവനം അന്തരിച്ചു
6 Oct 2022 6:21 AM GMTവിസ്മയമാണ് തുമ്പികളുടെ ഈ ലോകം
20 Sep 2022 2:59 PM GMTചെങ്ങാലിക്കോടന് സ്പെഷ്യല് ഓണച്ചന്തയുമായി വരവൂര് ഗ്രാമപഞ്ചായത്ത്
3 Sep 2022 6:47 PM GMT