നവംബര്‍ 01 കേരളപ്പിറവി: വിപുലമായ ആഘോഷ പരിപാടികള്‍ സംഘടിപ്പിക്കും- എസ്ഡിപിഐ

തിരുവനന്തപുരം: 'നമ്മുടെ കേരളം, നമ്മുടെ മലയാളം: നവംബര്‍ 1ന് കേരളപ്പിറവി ആഘോഷം എസ്ഡിപിഐ' എന്ന തലക്കെട്ടില്‍ വിപുലമായ പരിപാടികളോടെ സംസ്ഥാനത്ത് കേരളപ്പിറവി ദിനാഘോഷം സംഘടിപ്പിക്കുമെന്ന് എസ്ഡിപിഐ സംസ്ഥാന വൈസ് പ്രസിഡന്റ് പി അബ്ദുല്‍ ഹമീദ്. ഘോഷയാത്ര, കലാകായിക മത്സരങ്ങള്‍, മലയാളം: ഒരുമയും പെരുമയും എന്ന വിഷയത്തില്‍ സാംസ്‌കാരിക സംഗമങ്ങള്‍, നാടും വികസനവും പ്രമേയമാക്കി വികസന സെമിനാറുകള്‍ സംവാദ സദസ്സ്, സാംസ്‌കാരിക സായാഹ്നം തുടങ്ങിയ വിവിധ പരിപാടികള്‍ സംഘടിപ്പിക്കുമെന്നും പി അബ്ദുല്‍ ഹമീദ് പറഞ്ഞു.