ഊട്ടിയില്‍ ആദിവാസി യുവാവിനെ പുലി കടിച്ചുകൊന്നു

ഊട്ടി: ഊട്ടിയില്‍ ആദിവാസി യുവാവിനെ പുലി കടിച്ചുകൊന്നു. തോഡര്‍ ഗോത്രത്തില്‍പ്പെട്ട കേന്തര്‍കുട്ടന്‍(41) ആണ് മരിച്ചത്. നീലഗിരി ഫോറസ്റ്റ് ഡിവിഷനിലെ ഗവര്‍ണര്‍ഷോലയിലാണ് സംഭവം. കാണാതായ പോത്തിനെ അന്വേഷിച്ച് ബുധനാഴ്ച വൈകുന്നേരം വനമേഖലയിലേക്ക് പോയതാണ് കേന്തര്‍കുട്ടന്‍. രാവിലെയും തിരിച്ചെത്താതിരുന്നതോടെ ബന്ധുക്കള്‍ തിരച്ചില്‍ നടത്തുന്നതിടെയാണ് മൃതദേഹം കണ്ടെത്തിയത്.