ആര്‍എസ്എസും നാസികളും തുല്ല്യര്‍; കശ്മീരിലേതു വംശഹത്യയെന്ന് ഇമ്രാന്‍ഖാന്‍

ഇസ്‌ലാമാബാദ്: തികഞ്ഞ വംശീയ വിദ്വേഷം വച്ചു പുലര്‍ത്തിയിരുന്ന നാസികള്‍ക്കു സമാനമാണ് ആര്‍എസ്എസിന്റെ പ്രവര്‍ത്തനവുമെന്നു പാകിസ്താന്‍ പ്രധാനമന്ത്രി ഇമ്രാന്‍ ഖാന്‍.

ഹിന്ദുത്വ വംശീയവാദികളായ ആര്‍എസ്എസിന്റെ പ്രവര്‍ത്തനവും ഹിറ്റ്‌ലറുടെ പ്രവര്‍ത്തനവും സമാനമാണ്. നാസി ആശയത്തില്‍ നിന്നു പ്രചോദനമുള്‍കൊണ്ടാണ് ആര്‍എസ്എസും പ്രവര്‍ത്തിക്കുന്നത്. ഇരു വിഭാഗവും വംശീയഹത്യകള്‍ക്കും കൂട്ടക്കൊലകള്‍ക്കും നേതൃത്ത്വം നല്‍കുന്നവരാണ്. നരേന്ദ്രമോദി സര്‍ക്കാരിന്റെ നേതൃത്ത്വത്തില്‍ കശ്മീരില്‍ നടക്കുന്നത് വംശഹത്യയാണെന്നു ഇമ്രാന്‍ ഖാന്‍ ആരോപിച്ചു.

കശ്മീരി ജനതക്കു പ്രത്യേക അധികാരം നല്‍കുന്ന ഭരണഘടനയിലെ 370ാം വകുപ്പ് നരേന്ദ്ര മോദി സര്‍ക്കാര്‍ റദ്ദാക്കിയതിനു പിന്നാലെയാണ് ഇമ്രാന്‍ഖാന്റെ പ്രസ്താവന. ജമ്മുകശ്മീര്‍ വിഷയത്തില്‍ ചൈനയുടെ പിന്തുണയോടെ ഐക്യരാഷ്ട്രസഭാ രക്ഷാ സമിതിയെ സമീപിക്കുമെന്നും ഖാന്‍ വ്യക്തമാക്കി.

I am afraid this RSS ideology of Hindu Supremacy, like the Nazi Aryan Supremacy, will not stop in IOK; instead it will lead to suppression of Muslims in India & eventually lead to targeting of Pakistan. The Hindu Supremacists version of Hitler's Lebensraum.

— Imran Khan (@ImranKhanPTI) August 11, 2019