സമസ്തയെയും ലീഗിനെയും തെറ്റിക്കാന് ശ്രമിച്ചാല് നടക്കില്ലെന്ന് സാദിഖലി തങ്ങള്
കോഴിക്കോട്: സമസ്തയെയും പാണക്കാട് കുടുംബത്തെയും തെറ്റിക്കാന് പലരും ശ്രമിക്കുന്നതായി പറഞ്ഞുകേള്ക്കുന്നുണ്ടെന്നും എന്നാല് അത് സാധ്യമല്ലെന്നും മുസ് ലിം ലീഗ് അധ്യക്ഷന് പാണക്കാട് സാദിഖലി തങ്ങള്. സമസ്തയും ലീഗും ഒരു ശരീരവും ഒരു മനസ്സുമാണ്. മുസ് ലിം ലീഗിന്റെ ശക്തി സമസ്തയും സമസ്തയുടെ ഊര്ജ്ജം മുസ് ലിം ലീഗുമാണെന്ന് അദ്ദേഹം പറഞ്ഞു. പാണക്കാട് ഖാസി ഫൗണ്ടേഷന് സംഘടിപ്പിച്ച പരിപാടിയിലാണ് സാദിഖലി തങ്ങളുടെ പരാമര്ശം. ഈ ബന്ധം തലമുറകളായി ദൃഢമാണ്. എല്ലാ സമൂഹങ്ങളും സമുദായങ്ങളും ഒറ്റക്കെട്ടാണ്. ഈ സൗഹൃദമാണ് മഹല്ലുകളിലും നമുക്ക് ആവശ്യം. ഇതില് രാഷ്ട്രീയം കാണേണ്ടതില്ല. ഒരുമിച്ച് പ്രവര്ത്തിക്കണം. ഇതിന് വീഴ്ച്ച വരുത്തുന്ന പ്രവര്ത്തനങ്ങള് ഉണ്ടാവരുത്. അനൈക്യത്തിന് ശ്രമിക്കുന്നവരോട് കൂട്ട് കൂടാതിരിക്കണമെന്നും അദ്ദേഹം പറഞ്ഞു. ലോകത്തില് ഏറ്റവും സുരക്ഷിതമായ മുസ് ലിം സമൂഹം എവിടെയാണെന്ന് ചോദിച്ചാല് അത് കേരളത്തിലാണെന്ന് പറയാം. മുസ് ലിംകള് കേരളത്തിലേതിനേക്കാള് കൂടുതലുള്ള പ്രദേശം വേറെയുമുണ്ട്. പക്ഷേ, നേരിട്ടുകൊണ്ടിരിക്കുന്ന വെല്ലുവിളികള് ഏറെയുണ്ട്. ഫലസ്തീന് അതിന്റെ ഒടുവിലത്തെ ഉദാഹരണമാണ്. ലോകത്ത് ഇസ് ലാമിക ഐക്യത്തിന്റെ അഭാവം നിഴലിച്ചു കാണുന്നു. ഫലസ്തീനെ ഒറ്റരാത്രികൊണ്ട് രക്ഷപ്പെടുത്താനുള്ള സമ്പത്ത് ലോകത്തിലെ മസ് ലിം സമൂഹത്തിന്റെ കൈയിലുണ്ട്. രാഷ്ട്രീയ, സൈനിക ശക്തി മുസ് ലിം രാഷ്ട്രങ്ങള്ക്കുണ്ട്. ഇതൊന്നും ഇല്ലെങ്കിലും സാമ്പത്തിക ശക്തിയുണ്ട്. ഒരുമിച്ച് നിന്ന് പ്രവര്ത്തിക്കുമ്പോള് ഒറ്റയ്ക്ക് നില്ക്കുന്നതിനേക്കാള് ശക്തികിട്ടുമെന്നും അദ്ദേഹം പറഞ്ഞു.
RELATED STORIES
ലെബനനില് വീണ്ടും സ്ഫോടനം; പേജറുകള്ക്ക് പിന്നാലെ വാക്കിടോക്കികളും...
18 Sep 2024 3:29 PM GMTമലപ്പുറത്ത് എംപോക്സ് സ്ഥിരീകരിച്ചു; രോഗം ദുബയില് നിന്ന് വന്ന...
18 Sep 2024 1:22 PM GMTലെബനന് സ്ഫോടനം; മരണം 11 ആയി; 500 ഓളം പേരുടെ കാഴ്ച നഷ്ടപ്പെട്ടു; ...
18 Sep 2024 5:05 AM GMTരാജ്യത്ത് ഒരിടത്തും അനുമതിയില്ലാതെ പൊളിക്കരുത്; ബുള്ഡോസര് രാജ്...
17 Sep 2024 10:03 AM GMTഗസയില് ഇനിയും നീണ്ട യുദ്ധത്തിന് ഹമാസ് തയ്യാര്: യഹ് യാ സിന്വാര്
17 Sep 2024 7:57 AM GMTജാമ്യ വ്യവസ്ഥയില് ഇളവ് തേടി സിദ്ദിഖ് കാപ്പന് സുപ്രിം കോടതിയില്
17 Sep 2024 6:46 AM GMT