'ജാമ്യം ലഭിച്ചതില്‍ സന്തോഷം; മനുഷ്യത്വമുള്ളവരെല്ലാം കൂടെ നിന്നു': സിദ്ദീഖ് കാപ്പന്റെ ഭാര്യ

ന്യൂഡല്‍ഹി: സിദ്ദീഖ് കാപ്പന് ജാമ്യം ലഭിച്ചതില്‍ സന്തോഷമുണ്ടെന്ന് കാപ്പന്റെ ഭാര്യ റൈഹാനത്ത്. സുപ്രിംകോടതി ജാമ്യം അനുവദിച്ചതില്‍ ഏറെ സന്തോഷിക്കുന്നു. രണ്ട് വര്‍ഷം ജയിലില്‍ അടച്ചിട്ടതിന് ശേഷമാണ് ജാമ്യം ലഭിച്ചതെങ്കിലും സുപ്രിംകോടതി ഉത്തരവില്‍ സന്തോഷിക്കുന്നു. കൂടെ നിന്ന എല്ലാവര്‍ക്കും നന്ദി അറിയിക്കുന്നതായും റൈഹാനത്ത് പറഞ്ഞു. മനുഷ്യത്വമുള്ള എല്ലാവരും കൂടെ നിന്നു. മാധ്യമ പ്രവര്‍ത്തകര്‍, പൊതു പ്രവര്‍ത്തകര്‍, പത്ര പ്രവര്‍ത്തക യൂനിയന്‍, ഐക്യദാര്‍ഢ്യ സമിതി, നാട്ടുകാര്‍ തുടങ്ങി എല്ലാവരും പിന്തുണ നല്‍കി. എല്ലാവര്‍ക്കും നന്ദി അറിയിക്കുന്നതായും റൈഹാനത്ത് പ്രതികരിച്ചു.