ഗായകന്‍ കുമാര്‍ സാനുവിന് കൊവിഡ് സ്ഥിരീകരിച്ചു

ന്യൂഡല്‍ഹി: പ്രമുഖ ബോളിവുഡ് ഗായകന്‍ കുമാര്‍ സാനുവിനു കൊവിഡ് സ്ഥിരീകരിച്ചു. അദ്ദേഹത്തിന്റെ ഓദ്യോഗിക ഫേസ്ബുക്ക് പേജിലൂടെയാണ് ഇക്കാര്യം അറിയിച്ചത്. നിര്‍ഭാഗ്യവശാല്‍ സാനുദയ്ക്ക് കൊറോണ പോസിറ്റീവാണെന്നു കണ്ടെത്തി. എല്ലാവരും അദ്ദേഹത്തിന്റെ ആരോഗ്യത്തിന് വേണ്ടി പ്രാര്‍ത്ഥിക്കണമെന്നാണ് ടീം കെ എസിന്റെ പേരില്‍ അഭ്യര്‍ഥിച്ചിട്ടുള്ളത്. ഇതിനു പിന്നാലെ നിരവധി പേരാണ് സാമൂഹികമാധ്യമത്തിലൂടെ വേഗത്തില്‍ സുഖം പ്രാപിക്കാന്‍ പ്രാര്‍ഥനയുമായെത്തിയത്.

അതേസമയം, കുമാര്‍ സാനുവിന്റെ മകന്‍ ജാന്‍ കുമാര്‍ സാനു നിലവില്‍ 'ബിഗ് ബോസ് 14' പരിപാടിയുടെ ഭാഗമായി വീടിനുള്ളിലാണ്. കൊവിഡ് സ്ഥിരീകരിച്ചതിനെ തുടര്‍ന്ന് 62 കാരനായ കുമാര്‍ സാനു ക്വാറന്റൈനില്‍ പ്രവേശിച്ചു.

Singer Kumar Sanu tests corona positive