കോട്ടയത്ത് മദ്യലഹരിയില്‍ മകന്‍ അമ്മയെ വെട്ടിക്കൊന്നു; പിതാവിന് ഗുരുതര പരിക്ക്

കോട്ടയം: കോട്ടയത്ത് മദ്യലഹരിയില്‍ മകന്‍ അമ്മയെ വെട്ടിക്കൊന്നു. തിരുവാതുക്കല്‍ പതിനാറില്‍ചിറ കാര്‍ത്തികയില്‍ സുശീലയാണ് (70) മരിച്ചത്. സംഭവത്തില്‍ 52കാരനായ മകന്‍ തമ്പിയെ പോലിസ് അറസ്റ്റു ചെയ്തു. തടയാന്‍ ചെന്ന പിതാവിനും പരുക്കുണ്ട്.

സ്വത്ത് തര്‍ക്കത്തെ തുടര്‍ന്നായിരുന്നു ആക്രമണമെന്നാണ് പ്രാഥമിക വിവരം. ആക്രമണത്തിനിടെ ഓടി രക്ഷപ്പെടാന്‍ ശ്രമിച്ച പിതാവ് തമ്പി(74)യെയും മകന്‍ ചുറ്റിക കൊണ്ട് പരിക്കേല്‍പ്പിച്ചു.

പരിക്കേറ്റ സുശീലയെയും തമ്പിയേയും നാട്ടുകാരാണ് ആശുപത്രിലെത്തിച്ചത്. ആശുപത്രിയില്‍ എത്തിക്കുന്നതിനിടെയാണ് സുശീല മരിച്ചത്. ഗുരുതര പരിക്കേറ്റ തമ്പി ആശുപത്രിയില്‍ ചികിത്സയിലാണ്.

മദ്യത്തിന് അടിമയായ ബിജു വീട്ടിലെത്തി വഴക്ക് പതിവാക്കിയിരുന്നു.നാട്ടുകാര്‍ വിവരമറിയിച്ചതിനെ തുര്‍ന്ന് വെസ്റ്റ് സ്‌റ്റേഷന്‍ ഹൗസ് ഓഫിസര്‍ ഇന്‍സ്‌പെക്ടര്‍ എം ജെ അരുണ്‍ ബിജുവിനെ കസ്റ്റഡിയിലെടുത്തു. വെസ്റ്റ് എസ്‌ഐടി ശ്രീജിത്ത്, സി ഹരികുമാര്‍ എന്നിവരുടെ നേതൃത്വത്തിലുള്ള പോലിസ് സംഘം സംഭവ സ്ഥലത്തെത്തി. വെസ്റ്റ് എസ്‌ഐടി ശ്രീജിത്ത്, സി ഹരികുമാര്‍ എന്നിവരുടെ നേതൃത്വത്തിലുള്ള പോലിസ് സംഘം സംഭവ സ്ഥലത്തെത്തി.