യുഡിഎഫിനെ ചലിപ്പിച്ചത് ജമാഅത്തും എസ്ഡിപിഐയും: എ കെ ബാലന്
![യുഡിഎഫിനെ ചലിപ്പിച്ചത് ജമാഅത്തും എസ്ഡിപിഐയും: എ കെ ബാലന് യുഡിഎഫിനെ ചലിപ്പിച്ചത് ജമാഅത്തും എസ്ഡിപിഐയും: എ കെ ബാലന്](https://www.thejasnews.com/h-upload/2020/04/01/102925-minister-a-k-balan.jpg)
തിരുവനന്തപുരം: ലോക്സഭാ തിരഞ്ഞെടുപ്പില് എല്ഡിഎഫിന് കനത്ത തോല്വിയുണ്ടായതിനു പിന്നാലെ പ്രതികരണവുമായി സിപിഎം കേന്ദ്ര കമ്മിറ്റി അംഗം എ കെ ബാലന് രംഗത്ത്. തിരഞ്ഞെടുപ്പില് യുഡിഎഫിന്റെ സംഘടനയെ ചലിപ്പിച്ചത് കോണ്ഗ്രസോ മുസ്ലിം ലീഗോ അല്ലെന്നും ജമാഅത്തെ ഇസ്ലാമിയും എസ് ഡിപിഐയുമാണെന്നും അദ്ദേഹം പറഞ്ഞു. യുഡിഎഫിന്റെ സംഘടനയെ ചലിപ്പിച്ചത് യഥാര്ഥത്തില് കോണ്ഗ്രസോ മുസ്ലിം ലീഗോ അല്ല. അതിന്റെ പിന്നില് വലിയ ശക്തിയുണ്ട്. അത് ജമാഅത്തെ ഇസ്ലാമിയും എസ്ഡിപിഐയുമാണ്. ഇതിന് കുറച്ചുകാണേണ്ട. അതിന്റെ ആപത്ത് അവര് മനസ്സിലാക്കാന് പോവുന്നതേയുള്ളൂ. അത് കേരളത്തിലെ പൊതുമണ്ഡലത്തില് ഉണ്ടാക്കാന് പോവുന്ന അപകടകരമായ ഒരു സൂചനയുടെ ലക്ഷണമാണ് ഇപ്പോള് കാണുന്നത്. എല്ഡിഎഫ് വിജയം മുന്നില് കണ്ട് എല്ലാവഴിവിട്ട മാര്ഗങ്ങളും യുഡിഎഫ് സ്വീകരിച്ചു. ഒരു ഭാഗത്ത് ജമാഅത്തെ ഇസ്ലാമിയും മറ്റൊരു ഭാഗത്ത് എസ്ഡിപിഐയുമായിരുന്നുവെന്നും ബാലന് മാധ്യമങ്ങളോട് പറഞ്ഞു.
കഴിഞ്ഞ നിയമസഭാ തിരഞ്ഞെടുപ്പില് മൂന്നില് രണ്ട് വോട്ടിന്റെ ഭൂരിപക്ഷം നേടി. രണ്ടാം പിണറായി സര്ക്കാര് അധികാരത്തില് വന്നു. അതേസമയം 2019 ല് നടന്ന ലോക്സഭാ തിരഞ്ഞെടുപ്പില് ഇടത് മുന്നണിക്ക് പരാജയം നേരിട്ടപ്പോള് വിലയിരുത്തല് നടത്തി. ഒന്നര വര്ഷത്തിനുള്ളില് പാര്ട്ടി പ്രവര്ത്തനത്തില് വലിയ മാറ്റം വരുത്തി. അതോടെ പാര്ട്ടിയുടെ ജനകീയ സ്വാധീനത്തില് മാറ്റം വന്നു. അതുപോലെ ഈ തിരഞ്ഞെടുപ്പിലുണ്ടായ അനുഭവം പാര്ട്ടി പരിശോധിക്കും. ഇടതുപക്ഷത്തെ ചില വിഭാഗങ്ങള്ക്കിടയില് നിന്ന് വേണ്ടത്ര പിന്തുണയുണ്ടായില്ല. എന്നാല് ഇടതുപക്ഷം ശക്തമായി തിരിച്ചുവരുമെന്നും അദ്ദേഹം പറഞ്ഞു.
RELATED STORIES
കൈയേറ്റം ചെയ്തെന്ന് വിനായകന്; ഹൈദരാബാദ് പോലിസ് കസ്റ്റഡിയിലെടുത്തു
7 Sep 2024 2:47 PM GMT'നിങ്ങള് ഒരു കൊലയാളിയാണ്'; ബെന്ഗ്വിറിനെ ബീച്ചില് നിന്നു പുറത്താക്കി ...
7 Sep 2024 2:37 PM GMTബലാത്സംഗക്കേസ്; മുകേഷിന്റെ മുന്കൂര് ജാമ്യം റദ്ദാക്കണമെന്ന്...
7 Sep 2024 12:42 PM GMTഎഡിജിപി ആര്എസ്എസ് നേതാവ് റാംമാധവിനെയും കണ്ടു; സ്പെഷ്യല് ബ്രാഞ്ച്...
7 Sep 2024 10:28 AM GMT'പുനര്ജനി' കേസില് വി ഡി സതീശന്-ആര്എസ്എസ് രഹസ്യധാരണയെന്ന് പി വി...
7 Sep 2024 8:27 AM GMTയുപിയില് മുസ് ലിം യുവാവിനെ ആക്രമിച്ച് ബജ്റങ്ദള് പ്രവര്ത്തകര്;...
7 Sep 2024 8:01 AM GMT