കശ്മീരിയായതിനാല്‍ യുവാവിന് ഡല്‍ഹിയില്‍ ഹോട്ടല്‍ മുറി നിഷേധിച്ചു (വീഡിയോ)
ഓണ്‍ലൈനായി ബുക്ക് ചെയ്ത ഹോട്ടലിലെത്തി ആധാര്‍ അടക്കമുള്ള രേഖകള്‍ കാണിച്ചിട്ടും റിസപ്ഷനിസ്റ്റ് യുവാവിന് പ്രവേശനം അനുവദിക്കാതിരിക്കുകയായിരുന്നു.
ന്യൂഡല്‍ഹി: കശ്മീരിയായതിനാല്‍ യുവാവിന് ഡല്‍ഹിയില്‍ ഹോട്ടല്‍ മുറി നിഷേധിച്ചതായി പരാതി. ഹോട്ടല്‍ ബുക്കിങ് ആപ്പായ ഓയോ റൂംസില്‍ പെട്ട ഡല്‍ഹിയിലെ ഹോട്ടലാണ് കശ്മീരിയായതിനാല്‍ യുവാവിന് റൂം നിഷേധിച്ചത്.
ഓണ്‍ലൈനായി ബുക്ക് ചെയ്ത ഹോട്ടലിലെത്തി ആധാര്‍ അടക്കമുള്ള രേഖകള്‍ കാണിച്ചിട്ടും റിസപ്ഷനിസ്റ്റ് യുവാവിന് പ്രവേശനം അനുവദിക്കാതിരിക്കുകയായിരുന്നു. കശ്മീരികള്‍ക്ക് റൂം നല്‍കരുതെന്ന് ഡല്‍ഹി പോലിസിന്റെ നിര്‍ദേശമുണ്ടെന്നായിരുന്നു റിസപ്ഷനിസ്റ്റായ യുവതിയുടെ വാദം. തന്റെ സീനിയര്‍ ജീവനക്കാരനുമായി സംസാരിച്ച ശേഷമായിരുന്നു യുവതി ഇക്കാര്യം അറിയിച്ചത്.
Impact of #KashmirFiles on ground.
— Nasir Khuehami (ناصر کہویہامی) (@NasirKhuehami) March 23, 2022
Delhi Hotel denies accommodation to kashmiri man, despite provided id and other documents. Is being a kashmiri a Crime. @Nidhi @ndtv @TimesNow @vijaita @zoo_bear @kaushikrj6 @_sayema @alishan_jafri @_sayema @manojkjhadu @MahuaMoitra pic.twitter.com/x2q8A5fXpo
ജമ്മുകശ്മീര്‍ സ്റ്റുഡന്റ്‌സ് അസോസിയേഷന്‍ വക്താവായ നസീര്‍ ഖുയ്ഹാമിയാണ് വിവാദ സംഭവത്തിന്റെ വീഡിയോ പൊതുജനശ്രദ്ധയിലെത്തിച്ചത്. 'കശ്മീരി ഫയല്‍സി'ന്റെ അനന്തരഫലം' എന്ന കുറിപ്പോടെയാണ് ഇദ്ദേഹം എന്നാണ് നടന്നതെന്ന് വ്യക്തമല്ലാത്ത വീഡിയോ പങ്കുവെച്ചത്. കശ്മീരിയാകുന്നത് ഒരു ക്രിമിനല്‍ കുറ്റമായെന്നും രേഖകള്‍ നല്‍കിയിട്ടും കശ്മീരി യുവാവിന് ഡല്‍ഹിയിലെ ഹോട്ടല്‍ റൂം നിഷേധിക്കപ്പെട്ടുവെന്നും അദ്ദേഹം ചൂണ്ടിക്കാട്ടി.
സംഭവത്തിന്റെ വീഡിയോ പ്രചരിച്ചതോടെ മറുപടിയുമായി ഡല്‍ഹി പോലിസും ഓയോ റൂംസും രംഗത്തെത്തി. കശ്മീരികള്‍ പ്രവേശനം നല്‍കരുതെന്ന നിര്‍ദേശം തങ്ങള്‍ നല്‍കിയിട്ടില്ലെന്നാണ് ഡല്‍ഹി പോലിസ് ട്വിറ്ററില്‍ വ്യക്തമാക്കിയത്. പോലിസിന്റെ പേരില്‍ തെറ്റിദ്ധാരണയുണ്ടാക്കുന്നത് നടപടിക്ക് കാരണമാകുമെന്നും അവര്‍ അറിയിച്ചു.
വീഡിയോ വൈറലായതോടെ ഓയോ റൂംസ് വിവാദ ഹോട്ടലിനെ അവരുടെ പ്ലാറ്റ്‌ഫോമില്‍നിന്ന് നീക്കി. 'തങ്ങളുടെ റൂമുകളും ഹൃദയങ്ങളും എല്ലാവര്‍ക്കുമായി എല്ലായിപ്പോഴും തുറന്നു കിടക്കുകയാണ്. ഇപ്പോള്‍ നടന്നത് ഒത്തുതീര്‍പ്പില്ലെത്താനാകാത്ത കാര്യമാണ്. എന്താണ് ഹോട്ടലില്‍ അനുമതി നിഷേധിക്കാന്‍ കാരണമെന്ന് തങ്ങള്‍ അന്വേഷിക്കും. ഇക്കാര്യം ഞങ്ങളുടെ ശ്രദ്ധയില്‍പ്പെടുത്തിയതിന് നന്ദി' ഓയോ റൂംസ് ട്വിറ്ററില്‍ കുറിച്ചു.
കാഫിര്‍ സ്‌ക്രീന്‍ഷോട്ട് കേസ്; തിങ്കളാഴ്ചക്കുള്ളില്‍ റിപ്പോര്‍ട്ട്...
22 Nov 2024 12:17 PM GMTവയനാടിനോടുള്ള കേന്ദ്ര അവഗണന; ഡിസംബര്‍ അഞ്ചിന് സംസ്ഥാന വ്യാപക...
22 Nov 2024 11:58 AM GMTഅയ്യപ്പ ഭക്തര്‍ വാവര്‍ പള്ളിയില്‍ പോകരുത്: ബിജെപി എംഎല്‍എ രാജാസിങ്
22 Nov 2024 11:42 AM GMTഭരണഘടനാ വിരുദ്ധ പരാമര്‍ശം: അന്വേഷണം നടക്കട്ടെ; മന്ത്രി സജി ചെറിയാനെ...
22 Nov 2024 11:02 AM GMTനാടകാചാര്യന്‍ ഓംചേരി എന്‍ എന്‍ പിള്ള അന്തരിച്ചു
22 Nov 2024 10:47 AM GMTബോര്‍ഡര്‍-ഗവാസ്‌കര്‍ ട്രോഫി; ഓസിസിന്റെ അതേ നാണയത്തില്‍ തിരിച്ചടിച്ച്...
22 Nov 2024 10:15 AM GMT
