പോലിസുകാരന്‍ ഓടിച്ച കാറിടിച്ച് തെറിപ്പിച്ചു; വഴി യാത്രക്കാരിക്ക് ദാരുണാന്ത്യം

കണ്ണൂര്‍: പോലിസുകാരന്‍ ഓടിച്ച കാര്‍ ഇടിച്ചു തെറിപ്പിച്ചതിനെ തുടര്‍ന്ന് വഴി യാത്രക്കാരി ദാരുണമായി മരണപ്പെട്ടു. മുണ്ടേരി വനിതാ സഹകരണ സംഘം ബില്‍ കലക്ടര്‍ ബി ബീനയാണ് മരിച്ചത്. ഏച്ചൂര്‍ കമാല്‍ പീടികയില്‍ ബുധനാഴ്ച്ച ഉച്ചയ്ക്കാണ് അപകടമുണ്ടായത്. കണ്ണൂര്‍-മട്ടന്നൂര്‍ റോഡില്‍ അമിത വേഗതയിലെത്തിയ കാര്‍ വഴിയാത്രക്കാരിയെ ഇടിച്ച് തെറിപ്പിക്കുകയായിരുന്നു. ഇടിച്ച ശേഷം ഏറെ മുന്നോട്ടുപോയാണ് കാര്‍ നിന്നത്. നാട്ടുകാര്‍ ഇവരെ കണ്ണൂരിലെ ആശുപത്രിയിലെത്തിച്ചെങ്കിലും രക്ഷിക്കാനായില്ല. കാറിന്റെ അമിത വേഗതയാണ് അപകടകാരണമെന്ന് വ്യക്തമാക്കുന്ന സിസിടിവി ദൃശ്യങ്ങള്‍ പോലിസിന് ലഭിച്ചിട്ടുണ്ട്.