യുജിസി നെറ്റ് വിജ്ഞാപനം പ്രസിദ്ധീകരിച്ചു; പരീക്ഷ ജൂണ്‍ 29 മുതല്‍
മാര്‍ച്ച് ഒന്നുമുതല്‍ അപേക്ഷിക്കാം
ന്യൂഡല്‍ഹി: പരിഷ്‌കരിച്ച സിലബസ് അനുസരിച്ചുള്ള യുജിസി നെറ്റ് പരീക്ഷയുടെ വിജ്ഞാപനം പ്രസിദ്ധീകരിച്ചു. ജൂണ്‍ 29 മുതല്‍ ആരംഭിക്കുന്ന പരീക്ഷക്കു https://ntanet.nic.in എന്ന വെബ്‌സൈറ്റിലൂടെ മാര്‍ച്ച് ഒന്നുമുതല്‍ 30 വരെ അപേക്ഷിക്കാം. നെറ്റ് പരീക്ഷ നടത്തുന്ന എല്ലാ വിഷയങ്ങളുടെയും സിലബസ് പരിഷ്‌കരിച്ചതായി നാഷണല്‍ ടെസ്റ്റിങ് ഏജന്‍സി വിജ്ഞാപനത്തില്‍ വ്യക്തമാക്കി. പരീക്ഷ 1 എല്ലാവര്‍ക്കും കോമണ്‍ ആയിരിക്കും. ugcnetonline.in എന്ന വെബ്‌സൈറ്റില്‍നിന്ന് എല്ലാ വിഷയങ്ങളുടേയും മാറ്റം വരുത്തിയ സിലബസ് ഡൗണ്‍ലോഡ് ചെയ്യാം.