ശിവപുരത്ത് എക്‌സൈസ് റെയ്ഡ്; 1700 ലിറ്റര്‍ വാഷ് പിടികൂടി, വാറ്റു കേന്ദ്രങ്ങള്‍ തകര്‍ത്തു
മട്ടന്നൂര്‍: മട്ടന്നൂര്‍ റെയ്ഞ്ചിലെ അസി. എക്‌സൈസ് ഇന്‍സ്‌പെക്ടര്‍ അനു ബാബുവിന്റെ നേതൃത്വത്തില്‍ ശിവപുരം ഭാഗങ്ങളില്‍ നടത്തിയ റെയ്ഡില്‍ 1700 ലിറ്റര്‍ വാഷും വാറ്റുപകരണങ്ങളും പിടികൂടി വന്‍ വാറ്റു കേന്ദ്രം തകര്‍ത്തു. പിടിച്ചെടുത്ത വാഷ് എക്‌സൈസ് സംഘം നശിപ്പിച്ചു. ലോക്ക് ഡൗണില്‍ ഈ മേഖലയില്‍ വ്യാജവാറ്റ് സംഘം സജീവമാണെ വിവരത്തിന്റെ അടിസ്ഥാനത്തിലായിരുന്നു പരിശോധന. എക്‌സൈസ് പ്രിവന്റീവ് ഓഫിസര്‍മാരായ പി വി സുലൈമാന്‍, കെ ആനന്ദ കൃഷ്ണന്‍, സിവില്‍ എക്‌സൈസ് ഓഫിസര്‍മാരായ വി എന്‍ സതീഷ്, എം പി ഹാരിസ്, ടി ഒ വിനോദ്, പി രാഗില്‍, വനിതാ സിവില്‍ എക്‌സൈസ് ഓഫിസര്‍ കെ എസ് സോഷ്‌ന പങ്കെടുത്തു.
Excise raid in Sivapuram