കൊല്ലം: നിലമേല്‍ ഗ്രാമപ്പപഞ്ചായത്തിലെ ആദ്യ കൊവിഡ് 19 സ്ഥിരീകരിച്ച കൈതോട് സ്വദേശി രോഗമുക്തനായി ആശുപത്രി വിട്ടു. ഇദ്ദേഹവുമായുള്ള സമ്പര്‍ക്കം മൂലം രോഗം ബാധിച്ച മകന്‍ ആറ് ദിവസം മുമ്പേ രോഗവിമുക്തനായി തിരികെ വീട്ടിലെത്തിയിരുന്നു. റിപോര്‍ട്ട് ചെയ്യപ്പെട്ട രണ്ട് പോസിറ്റീവ് കേസുകളും രോഗവിമുക്തരായി ആശുപത്രി വിട്ടതിനാല്‍ നിലവില്‍ നിലമേല്‍ ഗ്രാമപ്പഞ്ചായത്തില്‍ കൊവിഡ് 19 സ്ഥിരീകരിച്ച ആരുമില്ല. ആറോളം ആളുകള്‍ മാത്രമാണ് ഹോം ക്വാറന്റൈനിലുള്ളത്. ഭയാശങ്കകള്‍ക്ക് ഇടവരുത്തുന്ന യാതൊരു സ്ഥിതിവിശേഷവും പഞ്ചായത്തിന്റെ പരിധിയില്‍ നിലവിലില്ലെന്നും അധികൃതര്‍ അറിയിച്ചു.