16 വയസ്സുകാരന്‍ ബൈക്കോടിച്ചതിനു സഹോദരനെതിരേ കേസ്
ബൈക്ക് ഉടമയായ മണിയൂര്‍ കുളങ്ങര കീഴില്‍ വീട്ടില്‍ നബീലി(20)നെതിരേയാണ് പയ്യോളി പോലിസ് കേസെടുത്തത്
പയ്യോളി: പ്രായപൂര്‍ത്തിയാവാത്തയാള്‍ ബൈക്കോടിച്ചതിന് സഹോദരനെതിരേ പയ്യോളി പോലിസ് കേസെടുത്തു. ബൈക്ക് ഉടമയായ മണിയൂര്‍ കുളങ്ങര കീഴില്‍ വീട്ടില്‍ നബീലി(20)നെതിരേയാണ് പയ്യോളി പോലിസ് കേസെടുത്തത്. പുതിയ മോട്ടോര്‍ വാഹന വകുപ്പ് പ്രകാരമാണ് പയ്യോളി എസ് ഐ സുനില്‍കുമാര്‍ കേസെടുത്തത്. വരുംദിവസങ്ങളില്‍ വാഹന പരിശോധന കര്‍ശനമാക്കുമെന്ന് പോലിസ് അറിയിച്ചു.