കോഴിക്കോട് കോര്‍പ്പറേഷന്‍ പരിധിയിലെ അങ്കണവാടികള്‍ക്ക് എല്‍ഇഡി ബള്‍ബുകള്‍ നല്‍കുന്ന പദ്ധതിക്ക് തുടക്കം
മേയര്‍ ഡോ.ബീന ഫിലിപ്പ് ഉദ്ഘാടനം ചെയ്തു. ഡെപ്യൂട്ടി മേയര്‍ മുസാഫിര്‍ അഹമ്മദ് അധ്യക്ഷനായി.
കോഴിക്കോട്: കോര്‍പറേഷന്‍ പരിധിയിലെ അങ്കണവാടികള്‍ക്ക് സൗജന്യമായി എല്‍ഇഡി ബള്‍ബുകള്‍ നല്‍കുന്ന പദ്ധതിക്ക് തുടക്കമായി. മേയര്‍ ഡോ.ബീന ഫിലിപ്പ് ഉദ്ഘാടനം ചെയ്തു. ഡെപ്യൂട്ടി മേയര്‍ മുസാഫിര്‍ അഹമ്മദ് അധ്യക്ഷനായി. കോര്‍പറേഷന്‍ പരിധിയിലെ നാലു പ്രൊജക്ട് ഏരിയകളിലായുള്ള 543 അങ്കണവാടികളെ പ്രതിനിധീകരിച്ച് എട്ട് അധ്യാപികമാര്‍ എല്‍ഇഡി ബള്‍ബുകള്‍ ഏറ്റുവാങ്ങി.
കോഴിക്കോട് ഇലക്ട്രിക്കല്‍ സര്‍ക്കിള്‍ ഡെപ്യുട്ടി ചീഫ് എഞ്ചിനീയര്‍ ബോസ് ജേക്കബ് കെഎസ്ഇബിയുടെ ഊര്‍ജ്ജ കേരളമിഷന്‍ പ്രവര്‍ത്തനങ്ങള്‍ വിശദീകരിച്ചു. കൗണ്‍സിലര്‍മാരായ കെ സി ശോഭിത, പി കെ നാസര്‍, മോയ്യിന്‍കുട്ടി, തുഷാര, കോര്‍പ്പറേഷന്‍ സെക്രട്ടറി ബിനു ഫ്രാന്‍സിസ് സംസാരിച്ചു.