തെരുവുനായ്ക്കളുടെ വിഹാരം; കാലിക്കറ്റ് സര്‍വകലാശാലയില്‍ വിദ്യാര്‍ഥിനിക്ക് കടിയേറ്റു
കോഴിക്കോട്: കാലിക്കറ്റ് സര്‍വകലാശാലാ കാംപസ് തെരുവുനായ്ക്കളുടെ വിഹാരഭൂമിയാവുന്നു. കൂട്ടമായി അലഞ്ഞുനടക്കുന്ന നായ്ക്കള്‍ അക്രമസ്വഭാവം കാണിക്കുന്നതോടെ വിദ്യാര്‍ഥികള്‍ ഉള്‍പ്പടെയുള്ളവര്‍ ഭീതിയിലാണ്. ഇന്ന് ഉച്ചയോടെ ഒരു വിദ്യാര്‍ഥിനിക്ക് തെരുവുനായയുടെ കടിയേറ്റു. ഇന്റഗ്രേറ്റഡ് എംഎസ്‌സി ഫിസിക്‌സ് ഒന്നാം വര്‍ഷ വിദ്യാര്‍ഥിനിയായ കണ്ണൂര്‍ സ്വദേശിനിയെ ആണ് തെരുവുനായക്കൂട്ടം ആക്രമിച്ചത്. പരിക്കേറ്റ വിദ്യാര്‍ഥിനിയെ കോഴിക്കോട് മെഡിക്കല്‍ കോളജില്‍ പ്രവേശിപ്പിച്ചു.