കോഴിക്കോട്: മലപ്പുറം സ്പിന്നിങ് മില്‍ ചെയര്‍മാനായി പി മുഹമ്മദ് യൂസുഫ് (യൂസുഫ് ഹൈദര്‍) നിയമിതനായി. കാരന്തൂര്‍ സുന്നി മര്‍കസ്, കേരള മുസ്‌ലിം ജമാഅത്ത് അടക്കം നിരവധി സുന്നി സ്ഥാപനങ്ങളുടെയും സംഘടനകളുടെയും ഭാരവാഹിയും ജീവകാരുണ്യപ്രവര്‍ത്തകനുമാണ്.
മര്‍കസ് ഭാരവാഹിയും പ്രചാരണവിഭാഗം മേധാവിയുമായിരുന്ന പരേതനായ സി ഹൈദര്‍ ഹാജിയുടെ മകനാണ്. കൊടുവള്ളി കിഴക്കോത്ത് പന്നൂര്‍ സ്വദേശി. നേരത്തെ തൂശൂര്‍ സീതാറാം ടെക്‌സ്‌റ്റെല്‍ ലിമിറ്റഡ് ചെയര്‍മാനായിരുന്നു. കാരന്തൂര്‍ മര്‍കസ് മീഡിയാ വിഭാഗം ചെയര്‍മാനും ഭരണസമിതിയംഗവുമാണ്. കേരള മുസ്‌ലിം ജമാഅത്ത് സ്റ്റേറ്റ് കൗണ്‍സില്‍ അംഗം. 300 ഓളം നിര്‍ധന കുടുംബങ്ങള്‍ക്ക് സൗജന്യറേഷന്‍ നല്‍കുന്ന ആക്ടീവ് പന്നൂര്‍ എന്ന സന്നദ്ധസംഘടനയുടെ ചെയര്‍മാനുമാണ്.