വാഹനാപകടത്തില്‍ ചികിത്സയിലായിരുന്നുന്ന വയോധികന്‍ മരിച്ചു
എരുമത്തടം കുന്നത്തുപറമ്പില്‍ റപ്പായി (76) ആണ് മരിച്ചത്.
മാള: എരുമത്തടത്തില്‍ സൈക്കിളില്‍ ഓട്ടോറിക്ഷയിടിച്ച് പരിക്കേറ്റ് ചികിത്സയിലായിരുന്ന സൈക്കിള്‍ യാത്രികനായ വയോധികന്‍ മരിച്ചു. എരുമത്തടം കുന്നത്തുപറമ്പില്‍ റപ്പായി (76) ആണ് മരിച്ചത്. ശനിയാഴ്ച ഇദ്ദേഹത്തിന്റെ വീടിന് സമീപം എരുമത്തടത്തില്‍ സൈക്കിളില്‍ സഞ്ചരിക്കുന്നതിനിടെ ഓട്ടോറിക്ഷ ഇടിക്കുകയായിരുന്നു. പരിക്കേറ്റ റപ്പായിയെ ഇരിങ്ങാലക്കുട സഹകരണാശുപത്രിയിലും വ്രിദഗ്ദ ചികിത്സക്കായി തൃശ്ശൂരിലെ എലൈറ്റ് ആശുപത്രിയിലും പ്രവേശിപ്പിച്ചെങ്കിലും കഴിഞ്ഞ ദിവസം മരിച്ചു. ഇരിങ്ങാലക്കുട പോലിസ് ഇന്‍ക്വസ്റ്റ് നടപടികള്‍ പൂര്‍ത്തിയാക്കി. പോസ്റ്റ് മാര്‍ട്ടത്തിന് ശേഷം മൃതദേഹം ബന്ധുക്കള്‍ക്ക് വിട്ടു കൊടുത്തു. ഭാര്യ: മാഗിലീ. മക്കള്‍: ലിന്‍ജൊ, ലിജു. മരുമക്കള്‍: ബാബു, ജോബ്. സംസ്‌ക്കാരം വെള്ളാങ്കല്ലൂര്‍ സെന്റ് ജോസഫ് ദേവാലയത്തില്‍ നടത്തി.