തൃശൂര്‍: ജില്ലയിലെ 896 പേര്‍ക്ക് കൂടി ഇന്ന് കൊവിഡ് സ്ഥിരീകരിച്ചു. 760 പേര്‍ രോഗമുക്തരായി. ജില്ലയില്‍ രോഗബാധിതരായി ചികില്‍സയില്‍ കഴിയുന്നവരുടെ എണ്ണം 8560. തൃശൂര്‍ സ്വദേശികളായ 132 പേര്‍ മറ്റു ജില്ലകളിലെ ആശുപത്രികളില്‍ കഴിയുന്നു. ജില്ലയില്‍ ഇതുവരെ കോവിഡ് സ്ഥിരീകരിച്ചവരുടെ എണ്ണം 29442. അസുഖബാധിതരായ 20591 പേരെയാണ് ആകെ നെഗറ്റീവായി ഡിസ്ചാര്‍ജ് ചെയ്തത്.
894 കേസുകളിലും സമ്പര്‍ക്കം വഴിയാണ് രോഗബാധ. 7 കേസുകളുടെ ഉറവിടം വ്യക്തമല്ല. നാല് സമ്പര്‍ക്ക ക്ലസ്റ്ററുകള്‍ വഴി രോഗബാധയുണ്ടായി. ക്ലസ്റ്ററുകള്‍: റൈസ് ബസാര്‍ തൃശൂര്‍ ക്ലസ്റ്റര്‍ 8, നെസ്റ്റ് ഡീ അഡിക്ഷന്‍ സെന്റര്‍ രാമവര്‍മ്മപുരം ക്ലസ്റ്റര്‍ 2, ജയ്ഹിന്ദ് മാര്‍ക്കറ്റ് ക്ലസ്റ്റര്‍ 1, ചേറ്റുവ ഹാര്‍ബര്‍ ക്ലസ്റ്റര്‍ 1. മറ്റ് സമ്പര്‍ക്ക കേസുകള്‍ 873. രണ്ട് ആരോഗ്യ പ്രവര്‍ത്തകര്‍ക്കും മറ്റ് സംസ്ഥാനങ്ങളില്‍നിന്ന് വന്ന രണ്ട് പേര്‍ക്കും കോവിഡ് സ്ഥിരീകരിച്ചു. രോഗം സ്ഥിരീകരിച്ചവരില്‍ 60 വയസ്സിന് മുകളില്‍ 70 പുരുഷന്‍മാരും 55 സ്ത്രീകളും 10 വയസ്സിന് താഴെ 22 ആണ്‍കുട്ടികളും 29 പെണ്‍കുട്ടികളും ഉള്‍പ്പെടുന്നു.
കൊവിഡ് സ്ഥിരീകരിച്ച് ജില്ലയിലെ വിവിധ ആശുപത്രികളിലും സി.എഫ്.എല്‍.ടിസികളിലും പ്രവേശിപ്പിച്ചവര്‍:
ഗവ. മെഡിക്കല്‍ കോളേജ് തൃശൂര്‍-277, സി.എഫ്.എല്‍.ടി.സി ഇ.എസ്.ഐ-സി.ഡി മുളങ്കുന്നത്തുകാവ്-21, എം.സി.സി.എച്ച്. മുളങ്കുന്നത്തുകാവ്-64, കില ബ്ലോക്ക് 1 തൃശൂര്‍-40, കില ബ്ലോക്ക് 2 തൃശൂര്‍-35, സെന്റ് ജെയിംസ് അക്കാദമി, ചാലക്കുടി-174, വിദ്യ സി.എഫ്.എല്‍.ടി.സി ബ്ലോക്ക് 1 വേലൂര്‍-108, വിദ്യ സി.എഫ്.എല്‍.ടി.സി ബ്ലോക്ക് 2 വേലൂര്‍-173, സി.എഫ്.എല്‍.ടി.സി കൊരട്ടി-32, പി.സി. തോമസ് ഹോസ്റ്റല്‍ തൃശൂര്‍-276, സി.എഫ്.എല്‍.ടി.സി നാട്ടിക-355, പി.എസ്.എം. ഡെന്റല്‍ കോളേജ് അക്കികാവ്-36, ജ്യോതി സിഎഫ്എല്‍ടിസി, ചെറുതുരുത്തി-98, എം.എം.എം. കോവിഡ് കെയര്‍ സെന്റര്‍ തൃശൂര്‍-84, ജി.എച്ച് തൃശൂര്‍-38, കൊടുങ്ങല്ലൂര്‍ താലൂക്ക് ആശുപത്രി-42, ചാലക്കുടി താലൂക്ക് ആശുപത്രി-13, കുന്നംകുളം താലൂക്ക് ആശുപത്രി-22, ജി.എച്ച്. ഇരിങ്ങാലക്കുട-12, ഡി.എച്ച്. വടക്കാഞ്ചേരി-6, അമല ആശുപത്രി-58, ജൂബിലി മിഷന്‍ മെഡിക്കല്‍ കോളേജ് തൃശൂര്‍-78, മദര്‍ ആശുപത്രി-13, എലൈറ്റ് ഹോസ്പിറ്റല്‍ തൃശൂര്‍-6, ഇരിങ്ങാലക്കുട കോ ഓപ്പറേറ്റീവ് ആശുപത്രി -10, ക്രാഫ്റ്റ് ആശുപത്രി കൊടുങ്ങല്ലൂര്‍-1, രാജാ ആശുപത്രി ചാവക്കാട്-6, അശ്വിനി ഹോസ്പിറ്റല്‍ തൃശൂര്‍-14, സെന്റ് ജെയിംസ് ഹോസ്പിറ്റല്‍ ചാലക്കുടി-12, മലങ്കര ഹോസ്പിറ്റല്‍ കുന്നംകുളം-8, റോയല്‍ ഹോസ്പിറ്റല്‍ കുന്നംകുളം-2, സെന്റ് ആന്റണീസ് പഴുവില്‍-5, സണ്‍ മെഡിക്കല്‍ റിസര്‍ച്ച് സെന്റര്‍ തൃശൂര്‍-11.
5534 പേര്‍ വീടുകളില്‍ ചികിത്സയില്‍ കഴിയുന്നു. 541 പേര്‍ പുതുതായി ചികിത്സയില്‍ പ്രവേശിച്ചതില്‍ 307 പേര്‍ ആശുപത്രിയിലും 234 പേര്‍ വീടുകളിലുമാണ്. 2638 പേര്‍ക്ക് ആന്റിജന്‍ പരിശോധന നടത്തി. മൊത്തം 3227 സാമ്പിളുകളാണ് പരിശോധിച്ചത്. ഇതുവരെ ആകെ 221901 സാംപിളുകളാണ് പരിശോധനയ്ക്ക് അയച്ചത്. 544 ഫോണ്‍ വിളികളാണ് ജില്ലാ കണ്‍ട്രോള്‍ സെല്ലില്ലേക്ക് വന്നത്. ഇതുവരെ ആകെ 93032 ഫോണ്‍ വിളികളാണ് ജില്ലാ കണ്‍ട്രോള്‍ സെല്ലില്ലേക്ക് വന്നത്. 42 പേര്‍ക്ക് സൈക്കോ സോഷ്യല്‍ കൗണ്‍സിലര്‍മാര്‍ വഴി കൗണ്‍സിലിംഗ് നല്‍കി. റെയില്‍വേ സ്റ്റേഷനുകളിലും ബസ്സ്റ്റാന്‍ഡുകളിലുമായി 350 പേരെ ആകെ സ്‌ക്രീനിംഗ് ചെയ്തു.