തിരുവനന്തപുരം: തൃക്കാക്കര മണ്ഡലത്തിലെ എന്‍ഡിഎ സ്ഥാനാര്‍ത്ഥിയെ പ്രഖ്യാപിച്ചു. ബിജെപി സംസ്ഥാന വൈസ്പ്രസിഡന്റ് എ എന്‍ രാധാകൃഷ്ണനാണ് ഇവിടെ നിന്ന് മല്‍സരിക്കുന്നത്.
ബിജെപിക്ക് പതിനയ്യായിരത്തില്‍ കുറവ് വോട്ട് മാത്രമുള്ള മണ്ഡലമാണ് തൃക്കാക്കര. ഒരിക്കല്‍ മാത്രം 21247 വോട്ട് ലഭിച്ചു.
എഎപി സ്ഥാനാത്ഥിയെ ഇതുവരെ തീരുമാനിച്ചിട്ടില്ല. ട്വിന്റി 20യുമായി ചേര്‍ന്ന് മല്‍സരിക്കാന്‍ സാധ്യതയുണ്ടെന്നാണ് വിലയിരുത്തല്‍.
പി ടി തോമസിന്റെ ഭാര്യ ഉമ തോമസാണ് ഇവിടെ യുഡിഎഫിനുവേണ്ടി മല്‍സരിക്കുന്നത്. ഡോ. ജോ ജോസഫ് എല്‍ഡിഎഫ് സ്ഥാനാര്‍ത്ഥി.
പി ടി തോമസ് മരിച്ചതോടെയാണ് ഈ മണ്ഡലത്തില്‍ ഉപതിരഞ്ഞെടുപ്പ് വേണ്ടിവന്നത്.