കൊല്ലം: കൊല്ലം മുസ്‌ലിം അസോസിയേഷന്‍ അറബിക് അക്കാദമിയുടെ ആഭിമുഖ്യത്തില്‍ ഡിസംബര്‍ 18 അന്താരാഷ്ട്ര അറബി ഭാഷാ ദിനാചരണവും അലുംനി മീറ്റും ഗുരുശ്രേഷ്ഠാ ആദരവും സംഘടിപ്പിച്ചു. ഹാഫിള് ഇര്‍ഷാദ് മന്നാനിയുടെ അധ്യക്ഷതയില്‍ കൂടിയ യോഗം എം എ കെ പ്രസിഡന്റ് എ അബ്ദുല്‍ സലാം ഉദ്ഘാടനം ചെയ്തു. കേരള യൂനിവേഴ്‌സിറ്റി മുന്‍ എച്ച്ഒഡി ഡോ: നിസാറുദ്ദീന്‍ ഭാഷാദിന സന്ദേശം നല്‍കി. മെക്ക സംസ്ഥാന പ്രസിഡന്റ് ഡോ: നസീര്‍ മുഖ്യപ്രഭാഷണം നിര്‍വഹിച്ചു.
എം എ കെ ജനറല്‍ സെക്രട്ടറി ഡോ: എം അബ്ദുല്‍ സലാം, മെഡിസിറ്റി സെക്രട്ടറി എ അബ്ദുല്‍ സലാം,കായിക്കര നിസാമുദ്ദീന്‍, പ്രിന്‍സിപ്പല്‍ ഡോ: ബഷീര്‍, അല്‍ ഫിത്‌റ മാനേജര്‍ ഡോ: കെ കെ ഷാജഹാന്‍, നാസറുദ്ദീന്‍ മന്നാനി ചന്ദനത്തോപ്പ്, വൈ സുനീര്‍, സിദ്ദീഖ് മൈലാപ്പൂര്, മുഹ്‌സിന ത്വാഹ, എന്നിവര്‍ ആശംസകള്‍ അര്‍പ്പിച്ചു. ഗുരുശ്രേഷ്ഠ ആദരം ഡോ:നസീര്‍ നിര്‍വഹിച്ചു. ഹാഫിള് ഇര്‍ഷാദ് മന്നാനി (പ്രസിഡന്റ്), സിദ്ദീഖ് മൈലാപ്പൂര് (ജനറല്‍ സെക്രട്ടറി), മുഹ്‌സിന ത്വാഹ (ട്രഷറര്‍) തുടങ്ങി 17 അംഗ അലുംനി അസോസിയേഷന്‍ ഭാരവാഹികളെ തിരഞ്ഞെടുത്തു.