മാള: ചാരായം നിര്‍മ്മിക്കുന്നതിനുള്ള എണ്‍പത് ലിറ്റര്‍ വാഷും വാറ്റുപകരണങ്ങളുമായി ഒരാളെ പോലീസ് അറസ്റ്റ് ചെയ്തു. വെള്ളാങ്കല്ലൂര്‍ വള്ളിവട്ടം ഈഴുവത്ര മണിലാല്‍ (53) ആണ് ആറസ്റ്റിലായത്. ഇരിങ്ങാലക്കുട ഡിവൈഎസ്പിപി ആര്‍ രാജേഷിന്റെ നിര്‍ദ്ദേശ പ്രകാരം എസ് ഐ മാരായ ജിഷില്‍, ക്ലീറ്റസ് എന്നിവര്‍ ചേന്നാണ് അറസ്റ്റ് ചെയ്തത്. ചെത്ത് തൊഴിലാളിയായ ഇയാള്‍ വീടിനോട് ചേര്‍ന്നുള്ള ഷെഡ്ഡിലാണ് ചാരായ നിര്‍മ്മാണം നടത്തിയിരുന്നത്. സി പി ഒ മാരായ ജഗദീഷ്, രാഹുല്‍, ജെനില്‍, ശ്രീജിത്ത്, ഉമേഷ്, മുസ്തഫ, നിക്‌സന്‍, സുധീഷ്, ഷൗക്കര്‍, ഫൈസല്‍ എന്നിവരും പ്രതികളെ പിടികൂടിയ സംഘത്തില്‍ ഉണ്ടായിരുന്നു. പ്രതിയെ കോടതി റിമാന്റ് ചെയ്തു.