ലഖ്‌നോ: ഉത്തർപ്രദേശ് മുഖ്യമന്ത്രി യോഗി ആദിത്യനാഥ് ഇന്ന് അയോധ്യ സന്ദർശിക്കും. ബാബറി മസ്ജിദ് നിലനിന്നിരുന്ന ഭൂമിയിൽ നിർമ്മിക്കുന്ന രാമക്ഷേത്ര നിർമാണവുമായി ബന്ധപ്പെട്ട ഭൂമി പൂജയ്ക്കാണ് മുഖ്യമന്ത്രിയുടെ സന്ദർശനം. ആഗസ്റ്റ് 5ന് പ്രധാനമന്ത്രി നരേന്ദ്ര മോദി രാമക്ഷേത്ര നിർമാണത്തിനുള്ള തറക്കല്ലിടുമെന്ന് ക്ഷേത്ര നിർമാണ ട്രസ്റ്റിന്റെ പ്രസിഡന്റ് മഹന്ദ് ന്രിത്യഗോപാൽ ദാസ് പറഞ്ഞു.
ഭൂമിപൂജയക്കു ശേഷം നടക്കുന്ന പരിപാടികളിൽ നിരവധി മുഖ്യമന്ത്രിമാരും കേന്ദ്ര മന്ത്രിമാരും ആർഎസ്എസ് നേതാക്കളും പങ്കെടുക്കുന്നുണ്ട്.
കഴിഞ്ഞ വർഷം നവംബർ 9ന് സുപ്രിംകോടതി നൽകിയ ഉത്തരവ് പ്രകാരമാണ് ക്ഷേത്രം നിർമിക്കുന്നതിനുള്ള വഴിയൊരുങ്ങിയത്.
ബാബറി മസ്ജിദ് ഭൂമി ബലപ്രയോഗത്തിലൂടെ പിടിച്ചെടുത്ത് രാമക്ഷേത്രം നിർമിക്കുന്നതിനുള്ള സംഘപരിവാർ ശ്രമങ്ങൾ രാജ്യത്തെ വലിയ പ്രതിസന്ധിയിലേക്ക് തള്ളിവിട്ടിരുന്നു.