കുല്‍ഗം: ജമ്മു കശ്മീരിലെ കുല്‍ഗമില്‍ നിരോധിത സായുധ ഗ്രൂപ്പുകളുമായുണ്ടായ ഏറ്റുമുട്ടലില്‍ രണ്ട് പേര്‍ മരിച്ചു. ലെഷ്‌കര്‍ ഇ ത്വയ്യിബ്, ദി റസിസ്റ്റന്‍സ് ഫ്രന്റ് തുടങ്ങിയ നിരോധിത സംഘടനകളുടെ പ്രവര്‍ത്തകരാണ് കൊല്ലപ്പെട്ടത്.
കുല്‍ഗം ജില്ലയില്‍ റെഡ് വാനിയിലാണ് ഏറ്റുമുട്ടല്‍ നടന്നതെന്ന് കശ്മീര്‍ പോലിസിന്റെ ട്വീറ്റില്‍ പറയുന്നു. കുജ്ജാര്‍ ഫ്രിസല്‍ സ്വദേശി അണിര്‍ ബഷീര്‍ ദര്‍, കുല്‍ഗം ഹാത്തിപോറ സ്വദേശി അദില്‍ യൂസുഫ് എന്നിവരാണ് മരിച്ചത്.
ഏറ്റുമുട്ടല്‍ നടന്ന പ്രദേശത്തിനിന്ന് ആയുധങ്ങളും വെടിക്കോപ്പുകളും കണ്ടെത്തി. രണ്ട് പിസറ്റളുകളും ഉണ്ടായിരുന്നു. കൂടുതല്‍ അന്വേഷണം നടന്നുകൊണ്ടിരിക്കുന്നു.
സായുധരുടെ സാന്നിധ്യമുണ്ടെന്ന സൂചന ലഭിച്ചതിനെത്തുടര്‍ന്നാണ് സുരക്ഷാസേന തിരച്ചില്‍ ശക്തമാക്കിയത്.