ബിരുദ വിദ്യാര്‍ഥിയെ കൊണ്ട് പ്രിന്‍സിപ്പല്‍ കാലുപിടിപ്പിച്ചതായി പരാതി
രണ്ടാം വര്‍ഷ വിദ്യാര്‍ഥിയെ കൊണ്ടാണ് പ്രിന്‍സിപ്പല്‍ ഡോ. രമ കാലുപിടിപ്പിച്ചത്. വിദ്യാര്‍ത്ഥിക്ക് എതിരേ ഒരുപാട് പരാതികള്‍ ഉണ്ടെന്ന് പറഞ്ഞാണ് കാലുപിടിപ്പിച്ചത് എന്നും എംഎസ്എഫ് നേതാക്കള്‍ പറഞ്ഞു.
കാസര്‍കോട്: കാസര്‍കോട് സര്‍ക്കാര്‍ കോളജില്‍ ന ബിരുദ വിദ്യാര്‍ഥിയെ നിര്‍ബന്ധിച്ച് പ്രിന്‍സിപ്പല്‍ കാലുപിടിപ്പിച്ചതായി പരാതി. മൂന്നുതവണ കാലുപിടിപ്പിച്ചെന്നാണ് എംഎസ്എഫ് പരാതിയില്‍ ആരോപിക്കുന്നത്. വിദ്യാര്‍ഥിയെ കോളജില്‍ നിന്ന് പുറത്താക്കാതിരിക്കാനാണ് നിര്‍ബന്ധിച്ച് കാലുപിടിപ്പിച്ചതെന്ന് എംഎസ്എഫ് സംസ്ഥാന പ്രസിഡന്റ് പി കെ നവാസ് വാര്‍ത്താ സമ്മേളനത്തില്‍ ആരോപിച്ചു.
രണ്ടാം വര്‍ഷ വിദ്യാര്‍ഥിയെ കൊണ്ടാണ് പ്രിന്‍സിപ്പല്‍ ഡോ. രമ കാലുപിടിപ്പിച്ചത്. വിദ്യാര്‍ത്ഥിക്ക് എതിരേ ഒരുപാട് പരാതികള്‍ ഉണ്ടെന്ന് പറഞ്ഞാണ് കാലുപിടിപ്പിച്ചത് എന്നും എംഎസ്എഫ് നേതാക്കള്‍ പറഞ്ഞു.
എന്നാല്‍ വിദ്യാര്‍ത്ഥി തന്നെ ആക്രമിക്കാന്‍ ശ്രമിച്ചെന്നും കൊവിഡ് പ്രോട്ടോക്കോള്‍ ലംഘിച്ചത് ചോദ്യം ചെയ്തതാണ് പ്രകോപനത്തിന് കാരണമെന്നും പ്രിന്‍സിപ്പല്‍ രമ പറഞ്ഞു. പിന്നീട് വിദ്യാര്‍ത്ഥി സ്വമേധയാ വന്ന് കാലുപിടിക്കുകയായിരുന്നെന്നും ഇവര്‍ പറഞ്ഞു.