തമിഴ്നാട്ടില് ഡിഎംകെ -കോണ്‍ഗ്രസ് സീറ്റ് ധാരണയായി; കോണ്‍ഗ്രസ് 9 സീറ്റുകളില്‍
ചെന്നൈ: തമിഴ്നാട്ടില് ഡിഎംകെ - കോണ്‍ഗ്രസ് സീറ്റ് ധാരണയായി. ആഴ്ചകൾ നീണ്ട തര്‍ക്കത്തിനൊടുവിലാണ് ഇരു പാര്‍ട്ടികളും തമ്മില്‍ സീറ്റുകള്‍ സംബന്ധിച്ച അന്തിമ തീരുമാനത്തിലെത്തിയത്. ആകെയുള്ള 39 സീറ്റുകളില്‍ ഒമ്പത് സീറ്റുകളിലായിരിക്കും കോൺഗ്രസ് മൽസരിക്കുക.
പുതുച്ചേരിയില്‍ ഒരു സീറ്റിലുമാണ് കോണ്‍ഗ്രസ് മത്സരിക്കുന്നത്. 2019ല്‍ മത്സരിച്ച മൂന്ന് സീറ്റുകള്‍ വീതം വെച്ചുമാറിയാണ് പ്രഖ്യാപനം .
കോണ്‍ഗ്രസ് മത്സരിച്ച തേനിയും ആറണിയും ഏറ്റെടുത്ത ഡിഎംകെ, തിരുച്ചിറപ്പള്ളി സീറ്റ് വൈക്കോയുടെ പാര്‍ട്ടിയായ എംഡിഎംകെക്ക് നല്‍കി. പകരം ഡിഎംകെയുടെ സിറ്റിങ് സീറ്റുകളായ മയിലാടുതുറ , കടലൂര്‍ , തിരുനെല്‍വേലി. എന്നിവ കോണ്‍ഗ്രസിന് നല്‍കി. കഴിഞ്ഞ തവണ എംഡിഎംകെ മത്സരിച്ച ഈറോഡില്‍ ഇക്കുറി ഡിഎംകെ മത്സരിക്കും. തമിഴ്‌നാട്ടിലും പുതുച്ചേരിയിലുമായി ആകെ പത്ത് സീറ്റിലായിരിക്കും കോണ്‍ഗ്രസ് മത്സരിക്കുക.