വയനാട് ജില്ലയില്‍ 247 പേര്‍ക്ക് കൂടി കൊവിഡ്; ടെസ്റ്റ് പോസിറ്റിവിറ്റി നിരക്ക് 14.40 ശതമാനം
വയനാട്: വയനാട് ജില്ലയില്‍ 247 പേര്‍ക്ക് കൂടി കൊവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫിസര്‍ ഡോ. ആര്‍ രേണുക അറിയിച്ചു. 204 പേര്‍ രോഗമുക്തി നേടി. 2 ആരോഗ്യ പ്രവര്‍ത്തകര്‍ ഉള്‍പ്പെടെ എല്ലാവര്‍ക്കും സമ്പര്‍ക്കത്തിലൂടെയാണ് രോഗബാധ. ജില്ലയിലെ ടെസ്റ്റ് പോസിറ്റിവിറ്റി നിരക്ക് 14.40 ശതമാനമാണ്.
ഇതോടെ ജില്ലയില്‍ ഇതുവരെ കൊവിഡ് സ്ഥിരീകരിച്ചവരുടെ എണ്ണം 1,28,736 ആയി. 1,25,458 പേര്‍ രോഗമുക്തരായി. നിലവില്‍ 2,459 പേരാണ് ചികിത്സയിലുള്ളത്. ഇവരില്‍ 2,332 പേര്‍ വീടുകളിലാണ് ഐസൊലേഷനില്‍ കഴിയുന്നത്.
രോഗം സ്ഥിരീകരിച്ചവര്‍
പൂതാടി 23 , മാനന്തവാടി 20 , കല്‍പ്പറ്റ , നെന്മേനി , പനമരം, തൊണ്ടര്‍നാട് 17 വീതം , വെള്ളമുണ്ട 13 , മീനങ്ങാടി, മുട്ടില്‍, പടിഞ്ഞാറത്തറ , തവിഞ്ഞാല്‍ 10 വീതം, കോട്ടത്തറ, ബത്തേരി , വൈത്തിരി 9 വീതം , വെങ്ങപ്പള്ളി 8 , കണിയാമ്പറ്റ 6 , അമ്പലവയല്‍, എടവക, മൂപ്പൈനാട് , നൂല്‍പ്പുഴ, പുല്‍പ്പള്ളി 5 വീതം, മേപ്പാടി, പൊഴുതന, തിരുനെല്ലി 4 വീതം , തരിയോട് 3 , മുള്ളന്‍കൊല്ലി 2 ആള്‍ക്കുമാണ് സമ്പര്‍ക്കത്തിലൂടെ രോഗം സ്ഥിരീകരിച്ചത്.
1,768 പേര്‍ പുതുതായി നിരീക്ഷണത്തില്‍
കൊവിഡുമായി ബന്ധപ്പെട്ട് ജില്ലയില്‍ പുതുതായി നിരീക്ഷണത്തിലായത് 1,768 പേരാണ്. 878 പേര്‍ നിരീക്ഷണകാലം പൂര്‍ത്തിയാക്കി. നിലവില്‍ നിരീക്ഷണത്തിലുള്ളത് 11,560 പേര്‍. ജില്ലയില്‍ നിന്ന് 1,203 സാംപിളുകളാണ് ഇന്ന് പരിശോധനയ്ക്ക് അയച്ചത്. ഇതുവരെ 8,49,244 സാംപിളുകള്‍ പരിശോധനയ്ക്ക് വിധേയമാക്കി. ഇതില്‍ 8,47,559 എണ്ണത്തിന്റെ ഫലം ലഭിച്ചു. ഇതില്‍ 7,18,823 പേര്‍ നെഗറ്റീവും 1,28,736 പേര്‍ പോസിറ്റീവുമാണ്.