വയനാട്: ജില്ലയില്‍ 97 പേര്‍ക്ക് കൊവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫിസര്‍ ഡോ.ആര്‍. രേണുക അറിയിച്ചു. 116 പേര്‍ രോഗമുക്തി നേടി. രണ്ട് ആരോഗ്യ പ്രവര്‍ത്തകര്‍ ഉള്‍പ്പെടെ 90 പേര്‍ക്ക് സമ്പര്‍ക്കത്തിലൂടെയാണ് രോഗബാധ. ആറ് പേരുടെ സമ്പര്‍ക്കവിവരം ലഭ്യമല്ല. ഇതര സംസ്ഥാനത്ത് നിന്നെത്തിയ ഏഴ് പേര്‍ക്കും രോഗം സ്ഥിരീകരിച്ചു.
ഇതോടെ ജില്ലയില്‍ കൊവിഡ് സ്ഥിരീകരിച്ചവരുടെ ആകെ എണ്ണം 8,908 ആയി. 7,924 പേര്‍ ഇതുവരെ രോഗമുക്തരായി. ചികിത്സയിലിരിക്കെ 61 മരണം. നിലവില്‍ 923 പേരാണ് ചികിത്സയിലുള്ളത്. ഇവരില്‍ 540 പേര്‍ വീടുകളിലാണ് ഐസൊലേഷനില്‍ കഴിയുന്നത്.
രോഗം സ്ഥിരീകരിച്ചവര്‍
മാനന്തവാടി സ്വദേശികളായ 12 പേര്‍, കല്‍പ്പറ്റ, മേപ്പാടി 10 പേര്‍ വീതം, നെന്മേനി, പൊഴുതന 8 പേര്‍ വീതം, വൈത്തിരി 7 പേര്‍, കണിയാമ്പറ്റ 6 പേര്‍, മുട്ടില്‍ 4 പേര്‍, അമ്പലവയല്‍, എടവക, പനമരം, പുല്‍പ്പള്ളി, ബത്തേരി, തവിഞ്ഞാല്‍, വെങ്ങപ്പള്ളി 3 പേര്‍ വീതം, മീനങ്ങാടി, മുപ്പൈനാട്, നൂല്‍പ്പുഴ, പൂതാടി സ്വദേശികളായ ഓരോരുത്തരുമാണ് സമ്പര്‍ക്കത്തിലൂടെ രോഗബാധിതരായത്.
ഹൈദരാബാദില്‍ നിന്ന് വന്ന ഒരു മാനന്തവാടി സ്വദേശി, രണ്ട് പനമരം സ്വദേശികള്‍, കര്‍ണാടകയില്‍ നിന്ന് വന്ന മേപ്പാടി സ്വദേശി, ഉത്തര്‍പ്രദേശില്‍ നിന്ന് വന്ന മാനന്തവാടി സ്വദേശി, തമിഴ്നാട്ടില്‍ നിന്ന് വന്ന രണ്ട് ബത്തേരി സ്വദേശികള്‍ എന്നിവര്‍ക്കും രോഗം സ്ഥിരീകരിച്ചു.
116 പേര്‍ക്ക് രോഗമുക്തി
കണിയാമ്പറ്റ സ്വദേശികളായ 10 പേര്‍, മാനന്തവാടി 6 പേര്‍, നെന്മേനി, എടവക, മേപ്പാടി 4 പേര്‍ വീതം, ബത്തേരി, മുട്ടില്‍, പടിഞ്ഞാറത്തറ, പുല്‍പ്പള്ളി 3 പേര്‍ വീതം, പൊഴുതന, വെള്ളമുണ്ട, അമ്പലവയല്‍ 2 പേര്‍ വീതം, നൂല്‍പ്പുഴ, തവിഞ്ഞാല്‍, തരിയോട്, കോട്ടത്തറ, മൂപ്പൈനാട്, വൈത്തിരി സ്വദേശികളായ ഓരോരുത്തരും രണ്ട് കര്‍ണാടക സ്വദേശികളും രണ്ടു തമിഴ്നാട് സ്വദേശികളും വീടുകളില്‍ ചികിത്സയിലായിരുന്ന 60 പേരുമാണ് രോഗമുക്തി നേടിയത്.
876 പേര്‍ പുതുതായി നിരീക്ഷണത്തില്‍
കൊവിഡുമായി ബന്ധപ്പെട്ട് ജില്ലയില്‍ പുതുതായി നിരീക്ഷണത്തിലായത് 876 പേരാണ്. 874 പേര്‍ നിരീക്ഷണക്കാലം പൂര്‍ത്തിയാക്കി. നിലവില്‍ നിരീക്ഷണത്തിലുള്ളത് 12,276 പേര്‍. ഇന്ന് വന്ന 60 പേര്‍ ഉള്‍പ്പെടെ 509 പേര്‍ ആശുപത്രിയില്‍ നിരീക്ഷണത്തിലാണ്. ജില്ലയില്‍ നിന്ന് ഇന്ന് 1,020 പേരുടെ സാംപിളുകളാണ് പരിശോധനയ്ക്ക് അയച്ചത്. ഇതുവരെ പരിശോധനയ്ക്ക് അയച്ച 1,51,166 സാംപിളുകളില്‍ 1,50,593 പേരുടെ ഫലം ലഭിച്ചു. ഇതില്‍ 1,41,685 നെഗറ്റീവും 8,908 പോസിറ്റീവുമാണ്.