നീലേശ്വരത്ത് സിപിഎം പ്രവര്‍ത്തകര്‍ ആര്‍എസ്എസ് പഥസഞ്ചലനം തടഞ്ഞു; പോലിസ് കണ്ണീര്‍വാതകം പ്രയോഗിച്ചു
ബസ് സ്റ്റാന്റ് ചുറ്റിവന്ന ആര്‍എസ്എസ് പഥസഞ്ചലനത്തെ സിപിഎം-ഡിവൈഎഫ്‌ഐ പ്രവര്‍ത്തകര്‍ നീലേശ്വരം ബസ് സ്റ്റാന്റില്‍ വച്ച് തടയുകയായിരുന്നു.
കാസര്‍കോട്: നീലേശ്വരത്ത് ആര്‍എസ്എസ് നടത്തിയ പഥസഞ്ചലനം സിപിഎം പ്രവര്‍ത്തകര്‍ തടഞ്ഞു. ബസ് സ്റ്റാന്റ് ചുറ്റിവന്ന ആര്‍എസ്എസ് പഥസഞ്ചലനത്തെ സിപിഎം-ഡിവൈഎഫ്‌ഐ പ്രവര്‍ത്തകര്‍ നീലേശ്വരം ബസ് സ്റ്റാന്റില്‍ വച്ച് തടയുകയായിരുന്നു. തുടര്‍ന്ന് ഇരുവിഭാഗവും തമ്മില്‍ സംഘര്‍ഷത്തിലേക്ക് നീങ്ങിയപ്പോഴാണ് പോലിസ് കണ്ണീര്‍ വാതകം പ്രയോഗിച്ചത്. 40 സിപിഎം പ്രവര്‍ത്തകര്‍ക്കെതിരേ കേസെടുത്തു. രാജാസ് സ്‌കൂള്‍ കേന്ദ്രീകരിച്ചാണ് പഥസഞ്ചലനം നടക്കുന്നത്. പഥസഞ്ചലനത്തിന് അനുമതി നല്‍കിയ തീരുമാനത്തിനെതിരേ നേരത്തെ തന്നെ പ്രതിഷേധം ഉയര്‍ന്നിരുന്നു.