ധീരജ് കൊലപാതകം;ഇന്ന് എസ്എഫ്ഐ സംസ്ഥാന വ്യാപക പഠിപ്പ്മുടക്ക് സമരം
എസ്എഫ്ഐ പ്രവര്‍ത്തകന്‍ ധീരജിനെ കൊല ചെയ്ത കെഎസ്‌യു യൂത്ത്‌കോണ്‍ഗ്രസ് ക്രൂരതയില്‍ പ്രതിഷേധിച്ചാണ് പഠിപ്പ് മുടക്ക് സമരത്തിന് ആഹ്വാനം ചെയ്തിരിക്കുന്നത്
തിരുവനന്തപുരം: ഇടുക്കി എഞ്ചിനിയറിംഗ് കോളജ് വിദ്യാര്‍ഥി ധീരജിന്റെ കൊലപാതകത്തില്‍ പ്രതിഷേധിച്ച് എസ്എഫ്ഐ ഇന്ന് സംസ്ഥാന വ്യാപക പഠിപ്പ്മുടക്ക് സമരം നടത്തും. എസ്എഫ്ഐ പ്രവര്‍ത്തകന്‍ ധീരജിനെ കൊല ചെയ്ത കെഎസ്‌യു യൂത്ത്‌കോണ്‍ഗ്രസ് ക്രൂരതയില്‍ പ്രതിഷേധിച്ചാണ് പഠിപ്പ് മുടക്ക് സമരത്തിന് ആഹ്വാനം ചെയ്തിരിക്കുന്നത്.
കൊലപാതകം ആസൂത്രിതമാണെന്ന് എസ്എഫ്ഐ സംസ്ഥാന സെക്രട്ടറി കെഎം സച്ചിന്‍ദേവ് ആരോപിച്ചു. ക്യാമ്പസിനു പുറത്തുനിന്ന് സംഘടിച്ചെത്തിയ യൂത്ത് കോണ്‍ഗ്രസ് സംഘം എസ്എഫ്ഐ പ്രവര്‍ത്തകരെ ആക്രമിക്കുകയായിരുന്നു എന്ന് സച്ചിന്‍ദേവ് പറഞ്ഞു.