ആദ്യ ഇന്നിങ്സില്‍ കമിന്‍സും രണ്ടാം ഇന്നിങ്സില്‍ ഹേസല്‍വുഡുമാണ് പാകിസ്താനെ പിടിച്ചുനിര്‍ത്തിയത്. പാകിസ്താന് വേണ്ടി ആദ്യ ഇന്നിങ്സില്‍ ആമിര്‍ ജമാലും(82) മുഹമ്മദ് റിസ് വാനും(88) തിളങ്ങി. ഒന്നാം ഇന്നിങ്സില്‍ 60 റണ്‍സെടുത്ത ലംബുഷെയ്ന്‍ രണ്ടാം ഇന്നിങ്സില്‍ 62 റണ്‍സുമായി പുറത്താകാതെ നിന്നു. മൂന്നാം ടെസ്റ്റില്‍ എട്ട് വിക്കറ്റിന് പാകിസ്താനെ തകര്‍ത്ത് ഓസ്ട്രേലിയ 3-0 ത്തിന് പരമ്പര സ്വന്തമാക്കി. സ്‌കോര്‍ ഓസ്ട്രേലിയ 299, 130-2, പാകിസ്താന് 313, 115.
ആദ്യ ഇന്നിങ്സ് ലീഡ് നേടാനായിട്ടും പാകിസ്താനെ രണ്ടാം ഇന്നിങ്ങ്സില്‍ 115 ന് ചുരുട്ടിക്കെട്ടിയ പേസ് ബൗളര്‍മാരാണ് ഓസീസ് വിജയം അനായാസമാക്കിയത്. 2011 ല്‍ തന്റെ രണ്ടാമത്തെ ടെസ്റ്റില്‍ ന്യൂസിലന്‍ഡിനെതിരെ സെഞ്ച്വറിയുമായി ടീമില്‍ ഇടമുറപ്പിച്ച വാര്‍ണര്‍ പല ടെസ്റ്റുകളിലും മികച്ച ഇന്നിങ്സുമായി ടീമിന് ബലമേകി. ടെസ്റ്റില്‍ 335 റണ്‍സാണ് ഉയര്‍ന്ന സ്‌കോര്‍.