സെഞ്ചുറി വേണോ എന്ന് പവല്‍; കൂറ്റനടി അടിക്കൂ; വാര്‍ണറിനെ വാനോളം പുകഴ്ത്തി ആരാധകര്‍
20ാം ഓവര്‍ തുടങ്ങുമ്പോള്‍ വാര്‍ണര്‍ 92 റണ്‍സെടുത്ത് നില്‍ക്കുകയായിരുന്നു.
മുംബൈ: മുന്‍ ഐപിഎല്‍ ക്ലബ്ബ് സണ്‍റൈസേഴ്‌സ് ഹൈദരാബാദിനെതിരേ ക്ലാസ്സിക്ക് ബാറ്റിങ് കാഴ്ചവച്ച് ഡല്‍ഹിയെ വിജയത്തിലേക്ക് നയിച്ച ഇന്നിങ്‌സായിരുന്നു ഡേവിഡ് വാര്‍ണര്‍ കഴിഞ്ഞ ദിവസം കാഴ്ചവച്ചത്. ഹൈദരാബാദ് ബാറ്റിങിന്റെ അവസാന ഓവറില്‍ നടന്ന പവല്‍-വാര്‍ണര്‍ സംഭാഷണമാണ് ക്രിക്കറ്റ് ലോകം ഏറ്റെടുത്തിരിക്കുന്നത്.
20ാം ഓവര്‍ തുടങ്ങുമ്പോള്‍ വാര്‍ണര്‍ 92 റണ്‍സെടുത്ത് നില്‍ക്കുകയായിരുന്നു.സ്‌ട്രൈക്ക് കിട്ടിയാല്‍ വാര്‍ണറിന് സെഞ്ചുറി നേടാം. ഇതിന് മുമ്പ് മറുവശത്ത് നില്‍ക്കുന്ന റോവ്മാന്‍ പവല്‍ വാര്‍ണറോട് സിംഗിള്‍ വേണോ എന്ന് ചോദിക്കുന്നു.വാര്‍ണറുടെ മറുപടി ഇങ്ങനെ ആയിരുന്നു-അങ്ങനെയല്ല ക്രിക്കറ്റ് കളിക്കേണ്ടത്. നിങ്ങള്‍ക്ക് പറ്റാവുന്നത്ര കൂറ്റനടികള്‍ക്ക് ശ്രമിക്കുക.മല്‍സരത്തിന് ശേഷമാണ് വാര്‍ണറുടെ നിസ്സ്വാര്‍ത്ഥ മറുപടി പവല്‍ വ്യക്തമാക്കിയത്. വാര്‍ണറുടെ നിലപാടിന് സോഷ്യല്‍ മീഡിയയില്‍ നിറഞ്ഞ കൈയ്യടിയാണ് ലഭിച്ചത്.